Þraut gærdagsins! Svo getiði rakið ykkur 298 daga aftur í tímann.

***

Fyrri aukaspurning:

Hvað heitir þessi vinsæla söngkona, sem sjá má á myndinni hér að ofan?

***

Aðalspurningar:

1.   Margir rithöfundar hafa fengist við blaðamennsku og þar á meðal margir Nóbelsverðlaunahafar. Árið 2015 fékk hreinræktaður blaðamaður svo loks verðlaunin. Hver var sá?

2.  Hvaða líffæri er það sem heitir „appendix“ á enskri tungu?

3.   Í hvaða landi er borgin Antwerpen?

4.   Hvað er hringanóri?

5.   Jóhanna Bogadóttir heitir íslenskur listamaður. Hvaða listgrein fæst hún við?

6.   Denis Villeneuve er kanadískur kvikmyndastjóri sem frumsýndi árið 2016 vinsæla og athyglisverða bíómynd um komu geimvera til jarðarinnar. Geimfar þeirra líktist helst stórri skel sem hékk upp á rönd svolítið yfir yfirborði Jarðar. Hvað hét þessi mynd?

7.   Hver samdi tónlistina í þessari mynd?

8.   Hvar var upphaflegt valdasvæði Sturlunga á Sturlungaöld?

9.   Hvað hét eiginkona Jóns Sigurðssonar sjálfstæðishetju fullu nafni?

10.   Sumarliði Ísleifsson fékk fyrir fáeinum vikum Íslensku bókmenntaverðlaunin í flokki fræðirita og bóka almenns eðlis. Bókin heitir „Í fjarska“ og svo koma fáein orð í viðbót. Um hvað snýst bókin? — og hér þarf ekki mjög nákvæmt svar. 

***

Seinni aukaspurning:

Útlínur hvaða lands má sjá hér að neðan?

***

Svör við aðalspurningum:

1.   Svetlana Alexievich — annaðhvort af nöfnum hennar dugar.

2.   Botnlangi.

3.   Belgíu.

4.   Selategund.

5.   Myndlist.

6.   Arrival.

7.    Jóhann Jóhannsson. Hér má heyra brot úr verki hans í þessari mynd.

8.   Dalasýsla.

9.   Ingibjörg Einarsdóttir.

10.   Bókin fjallar um viðhorf útlendinga til Íslands og Grænlands fyrr á öldum. Í þetta sinn dugar eiginlega að nefna Grænland til að fá rétt.

***

Svör við aukaspurningum:

Söngkonan heitir Ariana Grande.

Landið er Rúmenía. 

***

Hlekkur á þraut gærdagsins.