Hlekkur á þrautina frá því í gær.
***
Fyrri aukaspurning:
Hvaða höfuðborg má sjá á myndinni hér að ofan?
***
Aðalspurningar:
1. Hvað hét listinn sem sigraði í borgarstjórnarkosningum í Reykjavík árið 1994?
2. Kristín Völundardóttir stýrir tiltekinni stofnun, þótt hún hafi oft orðið fyrir harðri gagnrýni. Hvaða stofnun er það?
3. Henry Thomas heitir bandarískur leikari sem lék aðalhlutverkið — eða altént eitt af aðalhlutverkunum — í mjög vinsælli kvikmynd árið 1982. Hann var þá alveg óþekktur og margir héldu að nú yrði leið hans á toppinn í filmubransanum greið. Svo fór reyndar ekki. Hann hefur átt ágætan feril en ekki stórkostlegan, og þessi gamla mynd — sem snýst um að persóna Thomas eignast nýjan vin — er og verður hans eftirminnilegasta. Hver er myndin?
4. Hvað var leikstjóri þeirrar myndar?
5. Hvaða fljót fellur um París?
6. Leikritahöfundurinn Lars Norén lést nýlega úr Covid-19, rúmlega sjötugur, en hann þótti einn helsti leikritahöfundur Evrópu síðustu áratuga. Frá hvaða landi var Norén?
7. Hversu langt er maraþon-hlaup? Hér eru skekkjumörk upp á rétt um það bil einn kílómetra til eða frá.
8. „Þeim var ég verst er ég unni mest.“ Hver sagði þetta aftur?
9. Joe Biden núverandi Bandaríkjaforseti fæddist í ríkinu Pennsylvaniu, en sat áratugum saman í öldungadeild bandaríska þingsins fyrir annað ríki — reyndar í næsta nágrenni við Pennsylvaníu. Hvaða ríki Bandaríkjanna er það?
10. Robert Galbraith heitir all vinsæll glæpasagnahöfundur á Bretlandi, sem hefur gefið út hálfan tug skáldsagna þar sem einkaspæjarinn Cormoran Strike leysir erfið sakamál. Fljótlega eftir að fyrsta bókin kom út 2013 varð á allra vitorði að á bak við nafnið Robert Galbraith leyndist annar höfundur, sem óhætt er að segja að hafi verið sá vinsælasti í heimi síðusta aldarfjórðunginn. Hver er Galbraith í raun og veru?
***
Síðari aukaspurning:
Hver er konan sem sést hér að neðan með pabba sínum?
***
Svör við aðalspurningum:
1. Reykjavíkurlistinn.
2. Útlendingastofnun.
3. E.T.
4. Spielberg.
5. Signa.
6. Svíþjóð.
7. Maraþon-hlaup er nákvæmlega 42,195 kílómetrar. Rétt telst því vera allt frá 41,2 til 43,2.
8. Guðrún Ósvífursdóttir.
9. Delaware.
10. J.K.Rowling.
***
Svör við aukaspurningum:
Borgin á efri myndinni er Stokkhólmur.
Á neðri myndinni er Nancy Sinatra ásamt föður sínum Frank.
***
Spurningaþrautin
Fyrri grein
280. spurningaþraut: Kóngar og erfðaríki
Næsta grein
Athugasemdir