279. spurningaþraut: „Brátt verður þú aska, eða bein. Bara nafnið eitt — og jafnvel það er bara hljóð, bara bergmál.“

Já, þetta er einmitt hlekkur á hana, þraut­ina síðan í gær.

***

Hér er fyrri auka­spurn­ing:

Konan og börnin hér á mynd­inni eru ansi mædd. Hvað eiga þau við að stríða? Nefna þarf hvað og hvar.

***

Aðal­spurn­ingar:

1.   Gunnar Eyj­ólfs­son lést fyrir tæpum fimm árum, níræður að aldri. Hann var einn sá fremsti í sinni röð á land­inu sem ...?

2.   Í hvaða borg er Brand­en­borg­ar­hliðið?

3.   „Brátt verður þú aska, eða bein. Bara nafnið eitt — og jafn­vel það er bara hljóð, bara berg­mál. Það sem við sækj­umst eftir í líf­inu er hégómi, einskis vert, hjómið eitt.“ Þessa dæmi­gerðu stóu­speki má finna í verki róm­verska heim­spek­ings­ins Marcusar Aureli­usar, sem hann skrif­aði á annarri öld eftir Krist. Hug­leið­ingar hans voru gefnar út undir nafn­inu Hug­leið­ingar en á frum­mál­inu (grísku, ekki lat­ínu) nefn­ist rit hans: Τὰ εἰς ἑαυτόν , sem þýðir eig­in­lega „Til sjálfs mín.“ En Marcus Aurelius var raunar ekki kunn­astur í þá daga fyrir heim­speki, heldur allt annan starfa. Hvað var hans aðal­starf?

4.   Hvað hét myndin sem Hildur Guðna­dóttir fékk Ósk­arsverð­laun fyrir í fyrra?

5.   Hvaða Íslend­ingur var fyrstur til­nefndur til Ósk­arsverð­launa fyrir mynd frá 1991?

6.   Sama árið og Íslend­ing­ur­inn hér að ofan fór tóm­hentur af Ósk­arsverð­launa­há­tíð­inni féllu verð­launin fyrir bestan leik í aðal­hlut­verki karla í skaut Anthony Hopkins. Fyrir hvaða hlut­verk?

7.   Árið 2014 hófst eld­gos á Íslandi og rann þar mesta hraun á Íslandi síðan 1783. Hvað kall­ast gosið?

8.   Svi­atl­ana Tsikhanouskaya er 38 ára ensku­kenn­ari og túlkur sem atburðir á árinu 2020 ýttu nokkuð óvænt fram í sviðs­ljósið. Eig­in­maður hennar helt­ist úr lest­inni við ákveðið verk, en hún gekk þá í það í stað­inn. Hvaða verk var það?  

9.   Lengi vel var rapp-tón­list mest stunduð af svörtum tón­list­ar­mönnum. Hvað kall­ast fyrsti hvíti rapp­ar­inn sem náði alþjóð­legum vin­sældum laust fyrir alda­mótin 2000?

10.   Hver var keis­ari Frakk­lands frá 1852-1870? Svarið þarf vita­skuld að vera nákvæmt.

***

Seinni auka­spurn­ing:

Hvaða ríki hefur þennan fána?

***

Svör við aðal­spurn­ingum:

1.   Leikari.

2.   Berlín.

3.   Hann var keis­ari.

4.   Joker.

5.   Friðrik Þór Frið­riks­son.

6.   Hlutverk Hanni­bals Lecters mannætu.

7.   Holu­hraun.

8.   For­seta­fram­boð í Hvíta-Rúss­landi eða Bélarus.

9.   Eminem.

10.   Napóleon þriðji.

***

Svör við auka­spurn­ingum:

Konan á hinni frægu mynd Dorotheu Lange frá 1936 á í höggi við krepp­una í Banda­ríkj­unum. Nefna þarf bæði „krepp­una“ og „Banda­ríkin“. 

Rauði og hvíti fán­inn er fáni Aust­ur­ríkis.

***

Hlekk­ur­inn, hér er hann, á þraut­ina síðan í gær.