Hlekkur á síðustu þraut!

***

Fyrri aukaspurning:

Hver er karlinn á myndinni hér að ofan?

***

Aðalspurningar:

1.   Á 12. öld var uppi kona í Þýskalandi og var henni margt til lista lagt. Hún var guðfræðingur, nunna og abbadís, dulspekingur og prédikari, ljóðskáld og rithöfundur, náttúrufræðingur, lyfjafræðingur, myndlistarmaður og síðast en ekki síst tónskáld. Hvað hét þessi fjölhæfa kona? 

2.   Kyrrahafið, Atlantshafið og Indlandshaf eru stærstu höf Jarðar samkvæmt flokkun, sem menn hafa komið sér saman um. En hvaða haf er í fjórða sæti samkvæmt sömu flokkun?

3.   Hver var bassaleikari The Rolling Stones fyrstu áratugina?

4.   Rúm eru hættuleg, Dans í lokuðu herbergi, Heilræði lásasmiðsins, Dauðinn í verkfæraskúrnum og Fótboltasögur (tala saman strákar) eru allt bækur — ýmist ljóð eða prósi — eftir íslenskan höfund. Hver er sá höfundur?

5.   Í hvaða landi er borgin Gdansk?

6.   Hvað hét Gdansk lengst af, eða þangað til eftir síðari heimsstyrjöld?

7.   Hver söng fyrst lagið Sveitin milli sanda?

8.   Hver var konungur í Noregi þegar Sturlungaöld geisaði á Íslandi?

9.   Dóra Wonder, Magga Stína, Ívar Bongó, Sigurður Guðmundsson, Margrét Örnólfsdóttir, Valur Gautason, Þórarinn Kristjánsson — þau voru öll um lengri eða skemmri tíma í gleðihljómsveit einni sem var áberandi á árunum 1985-1990. Hvað hét sú hljómsveit?

10.   Hvaða landsvæði samsvarar því sem til forna var kallað Litla-Asía?

*** 

Seinni aukaspurning:

Hver er konan á myndinni hér að neðan?

***

Svör við aðalspurningum:

1.   Hildegard frá Bingen. Hildegard er reyndar alveg nóg. Það má líka segja Hildigerður ef einhver vill það endilega.

2.   Suður-(ís)hafið. Sjá meðfylgjandi mynd.

3.   Bill Wyman.

4.   Elísabet Jökulsdóttir.

5.   Póllandi.

6.   Danzig.

7.   Elly Vilhjálms.

8.   Hákon gamli, en Hákon dugar alveg.

9.   Risaeðlan.

10.   Tyrkland.

***

Svör við aukaspurningum:

Á efri myndinni er Edgar Allan Poe, bandarískur rithöfundur.

Á neðri myndinni er Ellen DeGeneres, spjallþáttastjórnandi, einnig bandarísk.

***

Og hlekkur á síðustu þraut!