Hér er þraut gærdags, gærdags.

***

Aukaspurning númer eitt:

Nátttröllið á glugganum heitir verkið hér að ofan. Hver málaði?

***

Aðalspurningar:

1.   Priti Patel heitir stjórnmálakona ein, sem nú er mjög umdeildur innanríkisráðherra í heimalandi sínu. Hvaða land er það?

2.   Heimsmeistaramótið í handbolta stendur nú yfir. Hvaða þjóð mun freista þess að verja heimsmeistaratitil sinn frá 2019?

3.   Johanna Maria Magdalena Ritschel fæddist árið 1901 og dó aðeins 43 ára. Þá hafði hún nýlokið við að fremja hræðilegan glæp. Undir hvaða nafni er Johanna Maria Magdalena Ritschel þekktust?

4.   En undir hvaða nafni er Hallgerður Höskuldsdóttir þekktust?

5.   Lilja Björk Einarsdóttir stýrir einu mikilvægasta fjármálafyrirtæki landsins. Hvaða fyrirtæki skyldi það vera?

6.   Hvaða rithöfundur sagði eitthvað á þessa leið: „Það er mjög heppilegt að maðurinn minn er fornleifafræðingur. Þá er minni hætta á að hann missi áhugann á mér þegar ég eldist.“

7.   Í loks mars mun söngkona ein gefa út plötuna Chemtrails Over the Country Club, sem margir munu vera farnir að bíða eftir. Söngkonan er 35 ára gömul, hefur gegnum tíðina sungið um bæði vídeóleiki og bláar gallabuxur, heitir í rauninni Elizabeth Woolridge Grant, en hvað kallar hún sig?

8.   Í hvaða hafi eru Andaman-eyjar?

9.   Hvar á Íslandi er Deildartunguhver?

10.   Hver lék Bibbu á Brávallagötu?

***

Aukaspurning númer tvö:

Upp á síðkastið hefur enginn málað íslensk þjóðsagna- og söguleg minni eins og Þrándur Þórarinsson. Hér eiga útilegumenn í höggi við ... ja, hvern?

***

Svör við aðalspurningum:

1.   Bretlandi.

2.   Danir.

3.   Magda Goebbels.

4.   Hallgerður langbrók.

5.   Landsbankinn.

6.   Agatha Christie.

7.   Lana del Rey.

8.   Indlandshafi.

9.   Borgarfirði.

10.   Edda Björgvinsdóttir.

***

Svör við aukaspurningum:

Ásgrímur Jónsson málaði nátttröllið.

Þrándur málaði Þorgeirsbola.

***

Og gærdagsþrautin!