Fylgi Sjálf­stæð­is­flokks­ins mælist tæpum fjórum pró­sentu­stigum lægra nú en það mæld­ist í síð­asta mán­uði, sam­kvæmt nýrri skoð­ana­könnun MMR. Fylgi við Vinstri græn stendur því sem næst í stað en Fram­sókn­ar­flokk­ur­inn mælist með tæp­lega tveggja pró­sentu­stiga hærri stuðn­ing en nú en var í síð­ustu könnun fyr­ir­tæk­is­ins, 23. sept­em­ber síð­ast­lið­inn. Breyting á fylgi Sjálf­stæð­is­flokks­ins er töl­fræði­lega mark­tæk en ekki er mark­tæk breyt­ing á fylgi Fram­sókn­ar­flokks­ins.

Mynd: Stundin / MMR

Sjálf­stæð­is­flokk­ur­inn mælist eftir sem áður með mest fylgi flokka á land­inu, 21,9 pró­sent. Í síð­ustu könnun MMR mæld­ist fylgi við flokk­inn 25,6 pró­sent. Sam­fylk­ingin mælist næst stærsti flokkur lands­ins, með 15,2 pró­senta stuðn­ing, og eykur við sig fylgi en flokk­ur­inn mæld­ist með 12,8 pró­senta stuðn­ing í síð­asta mán­uði. Fylg­is­breyt­ingin er þó innan skekkju­marka.

Píratar njóta sam­kvæmt könn­un­inni stuðn­ings 13,5 pró­senta kjós­enda sem er 1,5 pró­sentu­stigum lægra en í fyrri mán­uði og er sú breyt­ing ekki mark­tækt töl­fræði­lega. Mið­flokk­ur­inn bætir lít­il­lega við sig, 0,8 pró­sentu­stigum, og mælist nú með 11,6 pró­senta fylgi borið saman við 10,8 pró­sent síð­ast. Fram­sókn­ar­flokk­ur­inn bætir sem fyrr segir við sig, mælist nú með 10,2 pró­senta stuðn­ing en mæld­ist síð­ast með 8,3 pró­senta stuðn­ing. Í báðum til­fellum er fylg­is­breyt­ingin innan marka.

Stuðn­ingur við Viðreisn er því sem næst óbreyttur, flokk­ur­inn mælist nú með 9,7 pró­senta stuðn­ing en mæld­ist síð­ast með 9,4 pró­senta stuðn­ing. Hið sama má segja um Vinstri græn, óveru­leg breyt­ing er á fylgi við flokk­inn, nú mælist flokk­ur­inn með 8,3 pró­senta stuðn­ing en mæld­ist síð­ast með 8,5 pró­senta stuðn­ing. Hið sama er uppi á teng­ingnum með fylgis­tölur bæði Sós­í­alista­flokks­ins og Flokks fólks­ins, litlar breyt­ingar hafa orðið þar á. Sós­í­alistar mæl­ast nú með 4,6 pró­sentu­stiga stuðn­ing í stað 4,3 pró­senta síð­ast og Flokkur fólks­ins mælist nú með 3,8 pró­senta stuðn­ing borið saman við 3,6 pró­sent síð­ast. Í öllum til­vikum er breyt­ingin ekki mark­tæk töl­fræði­lega. Stuðn­ingur við aðra mæld­ist 1,3 pró­sent sam­an­lagt.

Samtals gáfu 79,3 pró­sent aðspurðra upp afstöðu til flokka, 6,3 pró­sent kváð­ust óákveðnir, 6,6 pró­sent svör­uðu því til að þau myndu skila auðu og 5,9 pró­sent gáfu ekki upp afstöðu. 933 ein­stak­lingar tóku þátt í könn­un­inni.

Þá mælist stuðn­ingur við rík­is­stjórn­ina því sem næst óbreyttur, 50,3 pró­sent kváð­ust styðja hana nú en voru 51 pró­sent 23. sept­em­ber síð­ast­lið­inn.