Náði bata frá fíknivanda en óttast um adrif dóttur sinnar á götunni

Konan sem hér segir frá glímdi lengi við fíkni­vanda. Rétt eins og móðir hennar sem reykti hass. Þótt hún hafi náð sér á strik, sé búin að vera alls­gáð um ára­bil, í góðu starfi og vís­inda­tengdu meist­ara­námi, þá kom það ekki í veg fyrir að dætur hennar fylgdu í fót­spor mæðr­anna. Ein þeirra er enn í neyslu og býr nú á göt­unni. 

„Mamma á allan heiður skil­inn en lífið var töff,“ segir konan sem bjó við mikið rót­leysi í æsku. „Mamma var fátæk og vann mikið. Það var lítið öryggi. Ég var lykla­barn eins og fleiri á þessum árum og við fluttum oft. Mamma faldi neysl­una fyrir mér, en ég var rosa­lega stressað og ótta­slegið barn. Ég hafði miklar fjár­hags­á­hyggjur fyrir hönd mömmu og mig dreymdi um að vinna í lottó­inu til að geta keypt hús og greitt skuld­irnar hennar. Stundum lét ég mömmu ekki vita ef eitt­hvað í …