Hér er hlekkur á þraut gærdagsins.

***

Aukaspurning, sú fyrri:

Ljósmyndina hér að ofan tók Joseph Nicéphore Niépce í bænum Le Gras í Frakklandi. Hvað þykir vera merkilegt við hana?

***

Aðalspurningar:

1.   Hvað heitir framkvæmdastjóri Samtaka atvinnulífsins? Í þessu sjaldgæfa tilfelli er föðurnafn hans ónauðsynlegt.

2.   Hvað heitir formaður Stjórnarskrárfélagsins?

3.   Hvað heitir höfuðborgin í Hvíta-Rússlandi?

4.   Einn af patríörkum Gamla testamentisins hét Abraham og einu sinni tók guð upp á því að skipa honum að drepa son sinn. Abraham hugðist hlýða guði en guð aflýsti þá öllu saman. Hvað hét sonurinn?

5.   Í hvaða hljómsveit heitir söngvarinn Till Lindemann?

6.   Í Afríku er land eitt sem heitir Sierra Leone. Hvað þýðir þetta nafn?

7.   Hvað var teiknimyndapersónan Flash Gordon kölluð á íslensku?

8.   Hvert er embættisheiti skólastjórans við Háskóla Íslands?

9.   Hver hefur spilað flesta landsleiki í handbolta karla fyrir Ísland?

10.   Hvað heitir síðari eiginkona Ólafs Ragnars Grímssonar fyrrum forseta?

***

Aukaspurning, sú seinni:

Hvað heita þessir tveir menn? Nöfn þeirra beggja eru nauðsynleg, en eftirnöfnin duga alveg.

***

Svör við aðalspurningum:

1.   Halldór Benjamín.

2.   Katrín Oddsdóttir.

3.   Minsk.

4.   Ísak.

5.   Rammstein.

6.   Ljónafjöll.

7.   Hvell-Geiri.

8.   Rektor.

9.   Guðmundur Hrafnkelsson.

10.  Dorrit Moussaieff.

***

Svör við aukaspurningum:

Efri myndin er talin fyrsta ljósmyndin sem tekin var í sögunni, eða árið 1826.

Ekki er nauðsynlegt að vita ártalið.

Á neðri myndinni eru bandarísku blaðamennirnir Bernstein og Woodward, sem skrifuðu þær fréttir sem áttu mikinn þátt í að koma upp um Watergate-málið sem felldi Nixon Bandaríkjaforseta.

***

Og aftur, hlekkur á þraut gærdagsins.