Þessi grein birtist upphaflega í Stundinni fyrir meira en 4 árum.

Fyrirtæki hafa neitað að taka við Ferðagjöf stjórnvalda

Dæmi eru um það að fyr­ir­tæki í ferða­þjón­ustu neiti að taka við Ferða­gjöf. Oft er um mis­skiln­ing að ræða. „Fyr­ir­tæki skrá sig til leiks á eig­in ábyrgð,“ seg­ir Ferða­mála­stofa.

Fyrirtæki hafa neitað að taka við Ferðagjöf stjórnvalda
Ferðast innanlands Engin viðurlög eru við því ef fyrirtæki skrá sig hjá Ferðagjöf en neita að taka við henni sem greiðslu. Mynd: Shutterstock

Ferðamálastofa hefur fengið nokkrar ábendingar um fyrirtæki sem ekki hafa þegið Ferðagjöf sem greiðslu, þrátt fyrir að hafa skráð sig til leiks. Engin viðurlög eru við því ef fyrirtæki þiggur ekki gjöfina.

Ferðagjöf stjórnvalda felur í sér 5.000 króna upphæð til að nota hjá fyrirtækjum í innlendri ferðaþjónustu. Fyrirtæki skrá sig sérstaklega til þátttöku á vefnum Ísland.is og hafa þrjár leiðir til að taka á móti Ferðagjöfinni, með því að skanna strikamerki úr Ferðagjafar-appinu, slá inn númer gjafabréfs í vafra eða beintengja við bókunarkerfi. Leiðbeiningar um slíkt eru á vef Ferðagjafarinnar.

Í svari Ferðamálastofu við fyrirspurn Stundarinnar kemur fram að í mörgum tilvikum hafi ábendingar frá fólki verið á misskilningi byggðar. „Í flestum tilvikum er um að ræða fólk sem heldur að öll fyrirtæki sem birtast á Ferðalag.is taki á móti Ferðagjöfinni,“ segir í svarinu. „Hið rétta er að Ferðalag.is birtir gagnagrunn Ferðamálastofu yfir öll ferðaþjónustufyrirtæki á Íslandi, hvort sem þau taka á móti Ferðagjöfinni eða ekki.“

Bendir Ferðamálastofa á að þau fyrirtæki sem taki á móti Ferðagjöfinni séu sérmerkt á vefsíðu Ferðagjafarinnar. „Við erum að reyna að gera eins skýrt og við getum hvaða fyrirtæki hafa skráð sig til að taka á móti Ferðagjöfinni, en því miður eru enn einhverjir sem fara inn á Ferðalag.is og halda að það sé yfirlit yfir alla staði sem hægt er að nota Ferðagjöfina,“ segir í svarinu.

„Við höfum einnig heyrt um að fyrirtæki sem eru skráð hafi neitað að taka á móti Ferðagjöfinni, en þau tilvik eru talin á fingrum annarrar handar,“ segir ennfremur. „Fyrirtæki skrá sig sjálf til leiks og er gengið út frá því að þar af leiðandi hafi þau áhuga á að taka á móti Ferðagjöfinni. Líklega er um að ræða tilvik þar sem starfsfólk hefur ekki verið nægjanlega vel upplýst þegar fyrirtækið hefur verið skráð til leiks og um einhverja byrjunarörðugleika að ræða. Ferðamálastofa mun brýna til allra fyrirtækja að hafa starfsfólk sitt vel upplýst svo að þetta komi ekki fyrir.“

Í svarinu kemur fram að einungis fyrirtækin sjálf geti veitt aðstoð ef viðskiptavinum er hafnað þegar þeir reyna að borga með Ferðagjöfinni. „Fyrirtæki skrá sig til leiks á eigin ábyrgð. Ef að fyrirtæki neitar að taka á móti Ferðagjöfinni þrátt fyrir að hafa skráð sig til leiks, getur Ferðamálastofa veitt fólki staðfestingu á því að viðkomandi fyrirtæki hafi verið skráð en að öðru leyti þarf fólk að leita til viðkomandi fyrirtækis.“

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Júlía Margrét Alexandersdóttir
2
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár