Helga Vala Helga­dóttir alþing­is­maður segir að hún og fjöl­skylda sín hafi ferð­ast tölu­vert um Snæ­fells­nes og Vest­firði sem sé enda­laus upp­spretta ham­ingju­stunda. Þetta sum­arið ætla þau að dvelja í nokkra daga á Austur- og Norð­ur­landi.

„Við hjónin förum með yngstu börnin okkar, ung­ling­ana, og fengu allir að stinga upp á þremur atriðum sem þeir vilja gera í ferða­lag­inu. Við höfum gert það áður, bæði inn­an­lands og á ferða­lögum erlendis. Þetta er mjög skemmti­legt af því að þá eiga allir ein­hverjar hug­myndir og fá sér­óskir sínar upp­fylltar.“

Helga Vala segir að fjöl­skyldan muni fara á Borg­ar­fjörð eystri og fara þar í Álfa­kaffi. „Við ætlum í ein­hverja góða göngu fyrir austan, fara í ein­hverja hasaraf­þr­ey­ingu, ein­hver trylli­tæki, og svo er það algjör afslöppun.“ Hasaraf­þr­ey­ingu? „Já, ég er svo­lítið í því. Ég er til í svo­leiðis fjör og sem betur fer hluti fjöl­skyld­unnar líka. Það er best að hafa mátu­legt jafn­vægi milli erf­iðis, …