Aukaspurningarnar eru þessar:

Hvað er að gerast á myndinni hér að ofan?

Hvað heitir dýrið á neðri myndinni?

Aðalspurningar tíu eru þessar:

1.   Guðrún Ýr Eyfjörð Jóhannesdóttir hefur vakið heilmikla athygli fyrir músík sína hér á landi síðustu misseri, en er að vísu þekktust undir öðru nafni. Hvaða sviðsnafn er það?

2.   Þrjú ríki Bandaríkjanna eru á Kyrrahafsströnd meginlandsins. Þar af er Washington-ríki nyrst en Kalifornía syðst. Hvað heitir ríkið á milli þeirra?

3.   Í hvaða stríði kom hetjan Patroclus við sögu?

4.   Af hvaða ætt fiska er þorskurinn?

5.   Björk Guðmundsdóttir vakti mikla athygli þegar hún kom ung að árum fram í kvikmyndinni Rokk í Reykjavík, og söng þá með hljómsveit sem hét ... hvað?

6.   „Fagurt galaði fuglinn sá ...“ segir í kvæðinu. Hvaða fugl er verið að tala um?

7.   „Hvíta albúmið“ svokallaða er ein af plötum Bítlanna. Þetta gælunafn plötunnar er dregið af því að albúmið er mjallahvítt. En hvað heitir þessi plata í raun og veru?

8.   Árið 67 keppti Rómarkeisari á ólympíuleikunum í Grikklandi, meðal annars í kappreiðum á vögnum sem tíu hross drógu. Keisarinn missti stjórn á vagni sínum, kastaðist út úr honum og varð að hætta keppni. Eigi að síður var hann úrskurðaður sigurvegari, líkt og í öllum öðrum greinum sem hann tók þátt í. Hvað hét þessi kappsfulli Rómarkeisari?

9.   Hver er þingmaður Samfylkingarinnar í Reykjavíkurkjördæmi norður?

10.   Filippus prins og eiginmaður Elísabetar Bretadrottningar hélt um daginn upp á 99 ára afmæli sitt. Í hvaða landi fæddist sá gamansami öldungur?

Svörin eru:

1.   GDRN.

2.   Oregon.

3.   Trójustríðinu.

4.   Þorskfiska.

5.   Tappi tíkarrass.

6.   Hænsnfugla.

7.   The Beatles.

8.   Neró.

9.   Helga Vala Helgadóttir.

10.   Grikklandi.

Svör við aukaspurningum:

Myndin var tekin augnabliki eftir að blökkumannaleiðtoginn Martin Luther King var skotinn til bana 1968.

Dýrið heitir desdýr, eða þefköttur. Jarðköttur mundi jafnvel teljast rétt.

En hér er þrautin frá í gær.