Þessi grein birtist upphaflega í Stundinni fyrir meira en 4 árum.

Ríkisstjórnin afléttir stimpilgjöldum af stórútgerðum

Stjórn­ar­and­stað­an fór hörð­um orð­um um for­gangs­röð­un rík­is­stjórn­ar­inn­ar þeg­ar stimp­il­gjöld á stór skip voru af­num­in með lög­um. Að­gerð­in var köll­uð sum­ar­gjöf til stór­út­gerð­ar­inn­ar á með­an stimp­il­gjöld eru enn við lýði í fast­eigna­kaup­um ein­stak­linga.

Ríkisstjórnin afléttir stimpilgjöldum af stórútgerðum
Ríkisstjórn Katrínar Jakobsdóttur Bjarni Benediktsson lagði fram stjórnarfrumvarp um afnám á stimpilgjöldum vegna eignayfirfærslu stærri skipa. Mynd: Davíð Þór

„Er það virkilega svo að ríkisstjórnarflokkarnir þrír telji það vera forgangsmál í miðjum heimsfaraldri að lækka hér skatta á fyrirtæki sem kaupa stór skip?“ spurði Ágúst Ólafur Ágústsson, þingmaður Samfylkingarinnar, við atkvæðagreiðslu á Alþingi í gær.

Lög sem afnema stimpilgjöld sem varða eignayfirfærslu skipa voru samþykkt í gær og fór stjórnarandstaðan hörðum orðum um forgangsröðun ríkisstjórnarinnar. Þingmenn Viðreisnar og Flokks fólksins sögðu tilefni til að afnema öll stimpilgjöld, til dæmis þau sem snúa að kaupum ungs fólks á sinni fyrstu fasteign.

Þingmenn Samfylkingarinnar bentu á að lagabreytingin snerist eingöngu um stimpilgjöld á stór skip og þar af leiðandi stærstu útgerðirnar, þar sem nú þegar væri ekkert stimpilgjald á smærri skip. „Með vísan til sjónarmiða um jafnræði atvinnugreina er talið rétt að ekki verði lengur innheimt stimpilgjald vegna skjala er varða eignayfirfærslu skipa yfir fimm brúttótonnum,“ segir í greinargerð með frumvarpinu sem Bjarni Benediktsson fjármála- og efnahagsráðherra lagði fram. „Slík breyting er jafnframt í samræmi við það regluverk sem fyrirfinnst á Norðurlöndunum varðandi stimpilgjöld, en þar takmarkast stimpilgjöld almennt við fasteignaviðskipti.“

Samkvæmt frumvarpinu eiga breytingarnar að hafa óveruleg áhrif á afkomu ríkissjóðs. „Hins vegar ættu þær breytingar sem stefnt er að með frumvarpinu að hafa jákvæð áhrif á hagsmunaaðila,“ segir í greinargerðinni.

„Hvergi er talað um „rekstrarumhverfi“ sjómanna eða umhyggju fyrir störfum sjómanna“

Sjómannasamband Íslands og VM, félag vélstjóra og málmtæknimanna, mótmæltu einnig lagasetningunni og sagði að vernda þyrfti störf íslenskra sjómanna sem eiga lífsviðurværi sitt undir öruggu rekstrarumhverfi skipanna. „Með því að aflétta stimpilgjaldi er útgerðinni gert kleift að flagga skipum út og inn af íslenskri skipaskrá að eigin geðþótta og stefna afkomu sjómanna í stórhættu,“ segir í umsögn þeirra. „Hvergi er talað um „rekstrarumhverfi“ sjómanna eða umhyggju fyrir störfum sjómanna í frumvarpinu. Í ljósi þess sem fram kemur í „Samherjaskjölunum“ svokölluðu ætti Alþingi að fara sér afar hægt í þessum efnum.“

Gáfu börnum sínum Samherja 

Þingmenn stjórnarandstöðunnar fóru hörðum orðum um málið þegar atkvæði voru greidd í gær. „Það vakti mikla athygli í samfélaginu og reis upp hneykslunaralda á dögunum þegar upplýst var um fyrirframgreiddan arf eigenda stærsta og öflugasta útgerðarfélags landsins til niðja sinna,“ sagði Guðmundur Andri Thorsson, þingmaður Samfylkingarinnar.

Vísaði hann þar til þess að Þorsteinn Már Baldvinsson, forstjóri Samherja, og fyrrverandi eiginkona hans, Helga Steinunn Guðmundsdóttir, hafa afsalað sér hlutabréfaeign sinni í Samherja hf. til barna sinna, Baldvins og Kötlu Þorsteinsbarna. Hið sama hafa þau Kristján Vilhelmsson, útgerðarstjóri fyrirtækisins, og eiginkona hans, Kolbrún Ingólfsdóttir, gert en börn þeirra, Dagný Linda, Halldór Örn, Kristján Bjarni og Katrín Kristjánsbörn, hafa tekið við hlut foreldra sinna. Enn er ólokið rannsókn á mútugreiðslum dótturfélags Samherja í Namibíu og aðkomu þeirra Þorsteins og Kristjáns þar.

„Fyrirframgreiddur arfur á fyrirframgreiddum arði, svimandi upphæðir,“ sagði Guðmundur Andri. „Einn talsmanna stjórnarliðsins í sjávarútvegsmálum komst ágætlega að orði þegar að hún sagði, háttvirtur þingmaður, að hér væri um að ræða sumargjöf þessara eigenda til sinna niðja. Hér greiðum við atkvæði um það hvort við ætlum að taka þátt í því að ríkisstjórn Íslands gefi stórútgerðinni í landinu þessa sumargjöf.“

Ágúst Ólafur ÁgústssonÞingmaðurinn segir ríkisstjórnina forgangsraða í þágu stórútgerðarinnar.

Ágúst Ólafur Ágústsson, samflokksmaður Guðmundar Andra, sagðist stundum verða hálf orðlaus yfir því sem gerðist í þingsalnum. „Þetta er nú kannski eitt af þeim augnablikum. Er það virkilega svo að ríkisstjórnarflokkarnir þrír telji það vera forgangsmál í miðjum heimsfaraldri að lækka hér skatta á fyrirtæki sem kaupa stór skip? Um það snýst þetta. Það er verið að lækka hér skatta hjá þeim fyrirtækjum, stórútgerðinni, þegar hún er að kaupa stór skip. Þetta er ofan í þá staðreynd að veiðileyfagjöld hafa lækkað um helming síðan þessi ríkisstjórn tók við,“ sagði Ágúst Ólafur.

Önnur stimpilgjöld enn í gildi

„Þetta er sérkennileg forgangsröðun en sýnir svo vel hvaða hagsmunir ráða alltaf hér,“ bætti hann við. „Þessir sömu ríkisstjórnarflokkar hikuðu ekki við að fella hér tillögu sem mundi gera námsmönnum kleift að njóta atvinnuleysisbóta í sumar. Það var ekkert mál fyrir Vinstri græna, Framsókn og Sjálfstæðisflokkinn. En þegar kemur að því að lækka skatta á stórútgerðina, þá flýgur það í gegn með methraða og hvað þá í miðjum heimsfaraldri, herra forseti. Þetta er hneyksli og að sjálfsögðu segi ég nei.“

„En þegar kemur að því að lækka skatta á stórútgerðina, þá flýgur það í gegn með methraða“

Guðmundur Ingi Kristinsson, þingmaður Flokks fólksins, sagði að frekar hefði verið tilefni til að afnema stimpilgjald á fasteignakaup og þá sérstaklega ungt fólk sem er að kaupa sér sína fyrstu íbúð. Eins og stendur fær sá hópur afslátt og greiðir hálft stimpilgjald.

Þorgerður Katrín Gunnarsdóttir, formaður Viðreisnar, sagði augljóst að í þessu máli væru sérhagsmunir teknir fram yfir almannahagsmuni. „Ekki síst á þessum tímum skiptir það miklu máli að við hugsum um heildina en ekki eingöngu sérhagsmuni, eins og mér finnst birtast í þessu máli,“ sagði hún. „Við í Viðreisn höfum lagt til sérstaklega að afnema stimpilgjöldin og það mun hjálpa heimilunum og þeim sem standa í fasteignakaupum.“

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Jón gagnrýnir Bjarkeyju: „Maður er orðlaus gagnvart ósvífni ráðherrans“
4
FréttirHvalveiðar

Jón gagn­rýn­ir Bjarkeyju: „Mað­ur er orð­laus gagn­vart ósvífni ráð­herr­ans“

Jón Gunn­ars­son, þing­mað­ur Sjálf­stæð­is­flokks­ins, væn­ir Bjarkeyju Gunn­ars­dótt­ur mat­væla­ráð­herra um margs kon­ar brot gegn Hval og starfs­mönn­um fyr­ir­tæk­is­ins með því heim­ila hval­veið­ar í ein­ung­is éitt ár. Flokk­ar Jóns og Bjarkeyj­ar sitja sam­an í rík­is­stjórn og eru um­mæl­in með­al ann­ars áhuga­verð í því sam­hengi.
Matvælaráðherra segir fiskeldi vera „varasama atvinnustarfsemi“
6
FréttirFiskeldi

Mat­væla­ráð­herra seg­ir fisk­eldi vera „vara­sama at­vinnu­starf­semi“

Bjarkey Ol­sen Gunn­ars­dótt­ir mat­væla­ráð­herra sagði sjókvía­eldi vera „mjög vara­sama at­vinnu­starf­semi,“ sem þurfi að koma bönd­um á með lög­um. Óvissa rík­ir um sekt­ar­á­kvæði frum­varps­ins sem kveð­ur áum há­ar fjár­sekt­ir á fyr­ir­tæki sem ger­ist upp­vís um vinnu­brögð sem hafa í för með sér slæm­ar af­leið­ing­ar fyr­ir um­hverf­ið og líf­rík­ið hér á landi.
Formaður Náttúruverndarsamtaka Íslands segir framsetningu matvælaráðherra óábyrga
7
Fréttir

Formað­ur Nátt­úru­vernd­ar­sam­taka Ís­lands seg­ir fram­setn­ingu mat­væla­ráð­herra óá­byrga

Árni Finns­son, formað­ur Nátt­úru­vernd­ar­sam­taka Ís­lands, seg­ir fram­setn­ingu leyf­is­veit­ing­ar á hval­veið­um vera vill­andi. Ekki verði hægt að veiða 29 dýr á milli Ís­lands og Fær­eyja líkt og þar er gert ráð fyr­ir. Hann lýs­ir yf­ir von­brigð­um með ákvörð­un mat­væla­ráð­herra en seg­ir hana þó skref í rétta átt.
Umdeilt frumvarp matvælaráðherra um lagareldi bíður líklega næsta þings
8
FréttirLaxeldi

Um­deilt frum­varp mat­væla­ráð­herra um lagar­eldi bíð­ur lík­lega næsta þings

Gísli Rafn Ólafs­son, þing­mað­ur Pírata og vara­formað­ur at­vinnu­vega­nefnd­ar, seg­ir að enn sé ver­ið að ræða við hags­mun­að­ila út af lagar­eld­is­frum­varp­inu. Hann seg­ir lík­legra en ekki að frum­varp­ið bíði næsta þings. Frum­varp­ið er um­deilt og hafa mat­væla­ráð­herr­ar Vinstri grænna ver­ið gagn­rýnd­ir fyr­ir það.

Mest lesið

Mest lesið í vikunni

Jesús Kristur breytti lífinu
3
Fólkið í borginni

Jesús Krist­ur breytti líf­inu

Kurt­eis og mjúk­máll ung­ur mað­ur sit­ur á brún­um bekk á Hlemmi. Hann bend­ir sessu­nauti sín­um á að strætó­inn hans sé kom­inn. Sá tek­ur úr sér heyrn­ar­tól­in og þakk­ar fyr­ir. Ungi mað­ur­inn sem sit­ur eft­ir bros­andi tal­ar ís­lensku með ör­litl­um hreim, en orða­forð­inn er áber­andi góð­ur. Hann er með barm­merki sem á stend­ur: Öld­ung­ur Matt­son. Hann seg­ir blaða­manni frá því hvað varð til þess að hann komst á þenn­an stað.
Spyr hvort fyrirtæki og almenningur eigi að kaupa rándýra orku af stóriðjunni
7
Fréttir

Spyr hvort fyr­ir­tæki og al­menn­ing­ur eigi að kaupa rán­dýra orku af stór­iðj­unni

For­stjóri stærsta sjáv­ar­út­vegs­fyr­ir­tæk­is Ís­lands gagn­rýn­ir harð­lega hug­mynd­ir um að leysa eigi skort á um­framorku til fiski­mjöls­verk­smiðja, með því að neyða fyr­ir­tæk­in og neyt­end­ur í við­skipti við stór­iðj­ur lands­ins, fyr­ir upp­sprengt verð. Til­laga um að stór­iðj­an fái að selja frá sér ónýtta orku, sem hún fær í gegn­um lang­tíma­samn­inga, ligg­ur nú fyr­ir Al­þingi.

Mest lesið í mánuðinum

Auður Jónsdóttir
1
Skoðun

Auður Jónsdóttir

Þið er­uð óvit­ar! ­– hlust­ið á okk­ur

Það er andi elí­tísma í kring­um kosn­inga­bar­áttu Katrín­ar Jak­obs­dótt­ur. Nafn­tog­að­ir lista­menn, áhrifa­fólk í sam­fé­lag­inu og stjórn­mál­um jafnt sem vél­virkj­ar þaul­setn­asta stjórn­mála­flokks lands­ins leggj­ast á eina sveif með henni. Fyr­ir vik­ið eru kosn­ing­arn­ar áhuga­verð fé­lags­fræði­leg stúd­ía af því að í þeim af­hjúp­ast sam­taka­mátt­ur þeirra sem vald og raddsvið hafa – á ólík­um svið­um.
Fékk ekki að segja bless við eiginmann sinn
4
Fréttir

Fékk ekki að segja bless við eig­in­mann sinn

Sara Sig­ur­björg Guð­munds­dótt­ir, eig­in­kona Precious Fel­ix Tani­mola sem var send­ur úr landi til Níg­er­íu í nótt, seg­ist ekki hafa feng­ið að kveðja hann: „Sím­inn var tek­inn af hon­um og ég fékk ekki að segja bless.“ Precious flúði til Ís­lands frá Úkraínu vegna stríðs­ins. Hon­um hafði ári áð­ur ver­ið boð­ið að spila þar fót­bolta með úkraínsku fé­lagsliði.
Saga af áralangri vanrækslu og vonleysi: „Þetta heitir Betra líf sko“
9
RannsóknBrostnar vonir á Betra lífi

Saga af ára­langri van­rækslu og von­leysi: „Þetta heit­ir Betra líf sko“

Slökkvi­lið­ið hef­ur sent kæru til lög­reglu á hend­ur Arn­ari Gunn­ari Hjálm­týs­syni fyr­ir að hafa stefnt lífi og heilsu íbúa áfanga­heim­il­is­ins Betra líf í Vatna­görð­um í hættu eft­ir að eld­ur kvikn­aði þar í fe­brú­ar í fyrra. Áfanga­heim­il­ið flutti þá upp í Kópa­vog. Í styrk­umsókn til Reykja­vík­ur fór Arn­ar með rang­færsl­ur en fékk engu að síð­ur rúm­ar 24 millj­ón­ir fyr­ir rekst­ur­inn. Full­trúi fé­lags- og vinnu­mark­aðs­ráðu­neyt­is­ins lýsti áhyggj­um af eit­ur­lyfja­sölu og vændi á einu áfanga­heim­il­inu.
„Hann sagði við mig að ef mér mislíkaði þetta gæti ég bara flutt út“
10
FréttirBrostnar vonir á Betra lífi

„Hann sagði við mig að ef mér mis­lík­aði þetta gæti ég bara flutt út“

Sylwia Burzy­kowska leigði 12 fer­metra her­bergi á áfanga­heim­ili Betra lífs á Kópa­vogs­braut á 140 þús­und krón­ur á mán­uði sem hún þurfti að greiða í reiðu­fé. Hún skrif­aði und­ir ótíma­bund­inn leigu­samn­ing en hafði að­eins bú­ið þar í þrjá mán­uði þeg­ar hús­ið var rif­ið í byrj­un mán­að­ar­ins. Sylwia býr nú í tjaldi.

Mest lesið í mánuðinum

Nýtt efni

Mest lesið undanfarið ár