22. spurningaþrautin er svona:

Fyrst aukaspurningar eru tvær eins og vanalega:

Á myndinni hér að ofan má sjá aðstandendur leiksýningar eða öllu heldur söngleiks í Þjóðleikhúsinu. Stykkið var sett upp fyrir fjórum árum. Hvað skyldi þessi söngleikur hafa heitið?

Og anddyri hvaða sundstaðar í Reykjavík má sjá á myndinni milli spurninga og svara?

Og aðalspurningarnar tíu:

1.   Asjoka hét keisari einn grimmur sem réði víðlendu ríki sem nefnt er eftir ætt hans Máría. Hann er ekki síst merkilegur fyrir þá sök að eftir að hann barði niður með ofsalegu ofbeldi uppreisn gegn sér, þá blöskraði honum blóðbaðið, sneri alveg við blaðinu og gerðist mildur og sáttfús. Hvað heitir nú það land þar sem Asjoka ríkti í Máría?

2.   Hver er nú forsætisráðherra Svíþjóðar?

3.  Fyrir nokkrum árum var frumsýnd hér á landi „Lof mér að falla“ sem þótti firnasterk en átakanleg kvikmynd um örlög fólks sem ánetjast fíkniefnadjöflinum. Hver leikstýrði henni?

4.   Árið 1980 varð gríðarlegt eldgos í fjalli einu í Washington-ríki Bandaríkjanna þegar toppurinn á fjallinu beinlínis sundraðist og mikið gosefnaflóð steyptist niður hlíðarnar. Hvað hét fjallið?

5.   Hvað heitir stærsti þéttbýlisstaður Skagafjarðar?

6.   Hvaða persóna í Múmíndal er með gullhring á fæti?

7.   „Hljóðs bið eg allar / helgar kindir, / meiri og minni / mögu Heimdallar.“ Hvaða kvæði hefst svo?

8.   Með hvaða mektarkonu átti Júlíus Caesar soninn Caesarion?

9.  Hversu margar Facebook-vini er leyfilegt að eiga?

10.  Við hvaða fljót stendur Vínarborg?

Þá er að vinda sér í svörin:

1. Indlandi.

2. Stefan Löfven.

3. Baldvin Z.

4. St.Helens.

5. Sauðárkrókur.

6. Snorkstelpan.

7. Völuspæa

8. Kleópötru drottningu í Egiftalandi.

9. 5.000.

10. Dóná.

Og svörin við aukaspurningunum eru þessi:

Söngleikurinn var Djöflaeyjan eftir sögum Einars Kárasonar.

Sundlaugin er Árbæjarlaug.

Þá eru hérna spurningarnar frá í gær.

En þær næstu hérna.