Tuttugasta og fyrsta spurningaþrautin, hér er hún nú komin.

Aukaspurningar eru tvær eins og vanalega:

Hver málaði málverkið litríka hér að ofan?

Og hver konan sem myndar hjartað svo elskuríkt?

En aðalspurningarnar tíu eru:

1.   Karlmaður nokkur sá ungur ástæðu til að taka sér dulnefni og er reyndar langfrægastur undir einu frekar hörkulegu dulnefni. En meðal þeirra sem hann notaði fyrst voru dulnefnin „Soselo“ og „Koba“. Hver er maðurinn?

2.   Hversu löng eru Hvalfjarðargöngin? Hér má skeika 300 metrum til eða frá.

3.   Hver var bassaleikari Stuðmanna og Þursaflokksins?

4.   Saurbæir eru margir á Íslandi. Hvað er talið að forskeytið „saur“ merki?

5.   Hver hefur verið Bandaríkjaforseti lengur en nokkur annar?

6.   Hvaða fyrirbæri er „Alpha Centauri“?

7.   Lag Daða Freys og Gagnamagnsins, „Think About Things“, náði sem kunnugt er ekki að vinna Eurovision formlega, þótt lagið hafi slegið ærlega í gegn. En hvað heitir íslensk útgáfa lagsins, sem flutt var á undan hinni ensku?

8.  Hvað hét japanski flotaforinginn er skipulagði og stýrði árásinni á Pearl Harbor í desember 1941?

9.   Hvað er serótónín?

10.   Kona nokkur fæddist árið 1913, lést árið 2005 og fékkst við ýmislegt um ævina. Hún er samt langsamlega frægust fyrir það sem hún gerði EKKI árið 1955, og varð bæði umdeild og dáð fyrir. Hvað hét þessi kona?

Og hér eru svörin:

1.   Stalín.

2.   5.770 metrar, eða 5,7 kílómetrar. Rétt telst því vera allt frá 5.470 til 6.070 metrar.

3.   Tómas Magnús Tómasson. Ekki er þó nauðsynlegt að nefna Magnús.

4.   Bleyta eða votlendi.

5.   Franklin D. Roosevelt.

6.   Sól, stjarna. Alpa Centauri er sú sól sem næst okkur er, en það þarftu ekki endilega að vita.

7.   „Gagnamagnið“.

8.   Yamamoto.

9.   Boðefni í heilanum/mannslíkamanum sem veldur vellíðan. Nóg er kalla það „efni“ en „vellíðan“ verður að koma fram eða eitthvað skylt fyrirbæri!

10.   Rosa Parks. Hún neitaði að standa upp fyrir hvítum farþega í strætisvagni, sem varð meiriháttar mál í réttindabaráttu svartra Bandaríkjamanna.

Svörin við aukaspurningunum:

Turner málaði málverkið „Stríðsskipið Temeraire“.

Konan er Lady Gaga.

Hér er svo næsta þraut á undan.

En hér sú næsta á eftir.