Tuttugasta  spurningaþrautin, hér er hún nú komin.

Aukaspurningar eru tvær eins og vanalega:

Hvaða atburður er sýndur á myndinni að ofan?

En hver er dapurlegi ungi maðurinn á myndinni hér að neðan?

Og aðalspurningarnar tíu:

1.  Ef Karl Bretaprins verður ekki orðinn ellidauður áður en Elísabet 2. móðir hans hleypir honum að krúnunni, Karl númer hvað mun hann þá kallast?

2.   Hvað heitir egifski framherjinn í fótboltaliðinu Liverpool í Liverpool?

3.  Hver var menntamálaráðherra í hinni skammlífu ríkisstjórn Bjarna Benediktssonar 2017?

4.   Hver var höfuðborg Vestur-Þýskalands?

5.  Hvar fæddist söngvarinn Freddy Mercury?

6.   Hver orti ljóðið „Til eru fræ“ sem Haukur Morthens söng svo eftirminnilega?

7.   Árið 1934 ákvað danski trésmiðurinn Ole Kirk Christiansen að efna til samkeppni um nafn á nýju fyrirtæki sínu. Í verðlaun var flaska af víni sem hann bruggaði sjálfur. Þegar til kom var hann ekki ánægður með neina tillögu, svo hann veitti sjálfum sér verðlaunin fyrir nafn sem hann barði saman sjálfur. Og væntanlega sötraði hann úr vínflöskunni sjálfur. Hvað heitir fyrirtækið hans?

8.  Skáldsagan „Salka Valka“ eftir Halldór Laxness er nefnd eftir aðalpersónu sögunnar. En hvað heitir Salka Valka sögunnar fullu nafni? Ég á við skírnarnöfn hennar tvö, þið þurfið ekki að vita að hún var Jónsdóttir.

9.   Forsetakosningar standa nú fyrir dyrum. Hvað hét sá frambjóðandi sem kom næstur Guðna Th. Jóhannessyni í kosningunum 2016?

10.  Hvað heitir fréttastjóri Ríkisútvarpsins?

Þá eru hér svörin:

1.   3.

2.   Mohammed Salah.

3.   Kristján Þ. Júlíusson.

4.   Bonn.

5.   Á eyjunni Sansíbar. Sansíbar er nú hluti Tansaníu, svo Tansanía telst líka vera rétt svar, þótt eyjan hafi þá verið svonefndt breskt verndarsvæði.

6.   Davíð Stefánsson.

7.  Lego.

8.   Salvör Valgerður.

9.   Halla Tómasdóttir.

10.  Rakel Þorbergsdóttir.

Og svörin við aukaspurningum:

Myndin sýnir morðið á austurríska erkihertoganum Franz Ferdinand í Sarajevo 28. júní 1914, en það hleypti af stað fyrri heimsstyrjöldinni.

Og pilturinn eymdarlegi er Gavrilo Princip sem framdi ofangreint morð á ofangreindum erkihertoga.

Og hér er svo þrautin frá í gær.

En hérna er sú næsta.