Tíunda spurningaþrautin er sams konar og hingað til, tíu spurningar og svörin eru hér fyrir neðan myndina af atkvæðakonu einni mikilli.
Aukaspurningar eru svo tvær að venju: Úr hvaða rosknu íslensku kvikmynd er myndin að ofan, og hver er konan?
1. Í hringiðu hvaða atburða var ræðuskörungurinn Georges Danton?
2. Í hvaða kirkju flutti séra Jón Steingrímsson „eldmessu“ sína árið 1783?
3. Hvað heitir sú kona sem nú stendur næst ríkiserfðum á Bretlandi?
4. Fyrir hvaða hlutverk er leikkonan Emilia Clarke lang, lang, langfrægust?
5. Hvað heitir sundið milli Kaupmannahafnar í Danmörku og Málmeyjar í Svíþjóð?
6. Milli hvaða tveggja reikistjarna í sólkerfinu er hið svonefnda „smástirna-“ eða „loftsteinabelti“?
7. Hvað hét forsetaframbjóðandi repúblikana í Bandaríkjunum 2012?
8. Einhvern tíma verður frumsýnd nýjasta James Bond-kvikmyndin, No Time to Die. Hvað heitir leikarinn, sem þá mun leika Bond, James Bond í fimmta og væntanlega síðasta sinn?
9. Messalína þótti eitt mikið hasarkvendi og er kunn fyrir að hafa farið í keppni í ákveðnum aðgerðum við dugmestu portkonuna í Rómaborg hinni fornu. Sumum þótti frekar ósmekklegt af henni að taka þátt í slíkri keppni, því Messalína var jú keisaraynja í ríkinu. Maður hennar keisarinn þótti reyndar hálfgerður auli stundum, en hann var nú keisari samt. Hvað hét hann?
10. Hver flýgur eða feykist alla vega um á regnhlíf í leikritinu góða, Dýrin í Hálsaskógi?
Þá koma svörin hér:
1. Frönsku byltingarinnar.
2. Kirkjunni á Kirkjubæjarklaustri.
3. Karlotta prinsessa, dóttir Vilhjálms prins Karlssonar, hertoga af Cambridge. Hún hélt upp á fimm ára afmælið sitt 2. maí, Karlotta. Stúlkan er sú fjórða í erfðaröðinni á eftir Karli prinsi afa sínum, Vilhjálmi föður sínum og Georg eldri bróður sínum.
4. Daenerys Targaryan úr Game of Thrones.
5. Eyrarsund.
6. Júpíers og Mars.
7. Mitt Romney.
8. Daniel Craig.
9. Claudius hét hann, heillakarlinn.
10. Amma mús.
Rétt svör við aukaspurningunum tveim:
Kvikmyndin er „Óðal feðranna“ eftir Hrafn Gunnlaugsson en konan með sóttvarnargrímuna er Nancy Pelosi, þingmaður vestan hafs og forseti fulltrúardeildarinnar.
Næsta spurningaþraut á undan, sú níunda, hún er hérna.
En sú næsta og ellefta - hana má finna hér.
Athugasemdir