Mikill stuðn­ingur er við aðgerðir Almanna­varna vegna Covid-19 far­ald­urs­ins og útbreidd þátt­taka almenn­ings í sótt­varn­ar­að­gerðum er lík­leg til að hafa átt veiga­mik­inn þátt í hægum vexti far­ald­urs­ins. Þetta er nið­ur­staða könn­unar Félags­vís­inda­stofn­unar Háskóla Íslands.

„Allt frá 1. apríl hefur mik­ill meiri­hluti svar­enda, yfir 95 pró­sent, haft þá trú á að sótt­varn­ar­að­gerðir myndu „mjög lík­lega“ eða „frekar lík­lega“ skila þeim árangri að hægja veru­lega á far­aldr­inum,“ segir í grein um nið­ur­stöður könn­un­ar­innar. „Eins og við mætti búast eykst fjöldi þeirra sem segja það „mjög lík­legt“ eftir að far­ald­ur­inn byrjar að réna undir lok tíma­bils­ins, en þá skoðun hafa 70% svar­anda í nýj­ustu mæl­ing­unni.“

Nið­ur­stöður benda sterk­lega til þess að mik­ill meiri­hluti almenn­ings hafi tekið til­mæli almanna­varna alvar­lega, en tæp­lega 90 pró­sent svar­enda hafa fylgt þessum til­mælum að frekar miklu eða öllu leyti allt tíma­bilið sem skoðað var.

Þá telja milli 71 og 85 pró­sent svar­enda að þeir aðilar sem þeir eru í mestum sam­skiptum við fylgi til­mælum almanna­varna að mjög miklu eða öllu leyti. Hins vegar virð­ist fólk hafa minni trú á hegðun allra ann­arra í sam­fé­lag­inu. Einungis á milli 34 og 47 pró­sent svar­end­anna töldu að Íslend­ingar almennt væru að fara eftir til­mæl­unum að miklu eða öllu leyti.

„Trú almenn­ings á aðgerð­irnar og að þær myndu skila árangri var sömu­leiðis mjög sterk“

„Þær nið­ur­stöður sem hér er fjallað um benda til þess að mik­ill meiri­hluti almenn­ings hafi fylgt til­mælum Almanna­varna strax í upp­hafi,“ segir í grein­inni. „Trú almenn­ings á aðgerð­irnar og að þær myndu skila árangri var sömu­leiðis mjög sterk, jafn­vel á meðan far­ald­ur­inn var í fullum vexti. Þetta gerð­ist jafn­vel þótt sektir og lög­reglu­af­skipti hafi verið sjald­gæf og að mun meiri áhersla hafi verið á að höfða til borg­ara­legrar skyldu en beit­ingu við­ur­laga. Samhliða opinni upp­lýs­inga­gjöf hefur verið lögð áhersla á ávinn­ing sam­fé­lags­ins af aðgerð­unum, frekar en á ávinn­ing ein­stak­linga. Slagorð aðgerð­anna, „við erum öll Almanna­varnir“ er dæmi um hvernig send hafa verið skila­boð um að yfir­völd og almenn­ingur séu á sama báti. Útbreidd þátt­taka almenn­ings í sótt­varn­ar­að­gerðum er lík­leg til að hafa átt veiga­mik­inn þátt í hægum vexti far­ald­urs­ins.“

Könnunin er send til 400 ein­stak­linga á hverjum degi og þannig er hægt að greina hvernig afstaða Íslend­inga breyt­ist yfir tíma. Þátt­tak­endur eru valdir með slembivali. Nið­ur­stöð­urnar ná til tíma­bils­ins 1. til 19. apríl.