Þorsteinn Víglundsson segir af sér þingmennsku

Þor­steinn Víglunds­son, vara­for­maður Við­reisnar, hefur sagt af sér þing­mennsku og jafn­framt vara­for­mennsku í flokknum. „Ég hef að vand­lega íhug­uðu máli sam­þykkt að taka að mér spenn­andi verk­efni á vett­vangi atvinnu­lífs­ins og mun hefja störf síðar í þessum mán­uði,“ segir í til­kynn­ingu frá Þor­steini til fjöl­miðla. „Þá hef ég á sama tíma til­kynnt stjórn Við­reisnar um afsögn mína sem vara­for­maður flokks­ins.“

Þor­steinn til­kynnti Stein­grími J. Sig­fús­syni, for­seta Alþingis, um ákvörðun sína í gær. Tekur hún gildi 14. apríl næst­kom­andi. „Ég hef starfað í stjórn­málum und­an­farin tæp fjögur ár og er þakk­látur fyrir það traust sem mér hefur verið sýnt á þeim vett­vangi. Ég hef tví­vegis verið kjör­inn þing­maður Reyk­vík­inga og það er mér mik­ill heiður að hafa fengið að sitja á Alþingi Íslend­inga þennan tíma.“

Þor­steinn var einnig félags- og jafn­rétt­is­mála­ráð­herra árið 2017. „Þótt átök ein­kenni gjarnan störf þings­ins í opin­berri umfjöllun er mér efst í huga á þessum tíma­mótum sú dýr­mæta reynsla sem ég hef öðl­ast og góð sam­skipti og vin­skapur við sam­herja jafnt sem póli­tíska and­stæð­inga. Ég kveð með sökn­uði allt það góða fólk sem ég hef starfað með á Alþingi á und­an­förnum árum, bæði þing­menn og ekki síður allt hið hæfi­leik­a­ríka starfs­fólk sem starfar fyrir Alþingi.“

Þor­steinn seg­ist stoltur af því að hafa tekið þátt í upp­bygg­ingu Við­reisnar. „Flokk­ur­inn hefur á fáum árum fest sig í sessi sem öfl­ugur og skýr val­kostur fyrir frjáls­lynt fólk á miðju íslenskra stjórn­mála. Flokk­ur­inn hefur sterka inn­viði og mik­inn fjölda hæfi­leika­fólks. Viðreisn hefur þegar markað sér sess til fram­tíðar í íslenskum stjórn­málum.  Ég fer frá borði full­viss um að þetta fley mun áfram sigla seglum þöndum. Viðreisn mun áfram berj­ast fyrir betra mann­lífi og bættum kjörum Íslend­inga og ég hlakka til að fylgj­ast með flokknum af hlið­ar­lín­unni.“