Þorbjörg Mar­ín­ós­dóttir, Tobba, er nýr rit­stjóri DV. Hún segir að fyr­ir­hug­aðar séu tals­verðar breyt­ingar á efn­is­tökum og útliti blaðs­ins og dv.is og að ekki standi annað til en að blaðið muni áfram koma út í prentút­gáfu. Blaðið byggi á góðum grunni og til standi að hefja blaðið til vegs og virð­ingar.

Sam­keppn­is­eft­ir­litið sam­þykkti í síð­ustu viku kaup útgáfu­fé­lags­ins Torgs á DV,  dv.is og tengdum miðlum.

 „Betra blaði fyrst og fremst. Meiri gleði og meira fjör,“ svarar Tobba spurð um hvaða efn­is­tökum og áherslum megi búast við í blað­inu. „Þetta verður allt annað blað, ég held að það sé alveg óhætt að full­yrða það, þó að við munum halda í allt það mik­il­væga og góða sem DV hefur staðið fyrir í gegnum tíð­ina. Við erum að aðlaga mið­il­inn að öðrum miðlum Torgs sem eru Frétta­blaðið og Hring­braut. Mitt leið­ar­ljós í þeirri vinnu verður virð­ing fyrir við­mæl­and­anum og vönduð efn­is­tök og það mun sjást í blað­inu strax frá fyrsta degi.“

Tobba er fjöl­miðla­fræð­ingur að mennt og með MA-gráðu í verk­efna­stjórnun. Hún hefur skrifað fjölda bóka, stýrt sjón­varps­þáttum, starfað í útvarpi og á fjöl­miðlum, setið í fram­kvæmda­stjórn Skjás eins og nýverið hóf hún granóla­fram­leiðslu undir heit­inu Nátt­úru­lega gott. 

Harðar fréttir í bland við mannlífsfréttir og viðtöl

Tobba segir að hún hafi fylgst vel með þróun DV allan sinn fjöl­miðla­feril en hann hófst á sum­ar­starfi hjá Séð og heyrt sem gefið var út af Birtíngi sem einnig gaf DV út. „Þetta er fjöl­mið­ill sem hefur í gegnum tíð­ina verið braut­ryðj­andi og verið leið­andi að mörgu leyti og núna er það okkar, sem núna höfum tekið við, að finna okkar stefnu.“

Hún segir að til umfjöll­unar verði harðar fréttir í bland við vand­aðar mann­lífs­fréttir og við­töl. Blaðið mun koma út í prentút­gáfu á föstu­dögum eins og hingað til, að sögn Tobbu, en útliti þess verður gjör­breytt. Þá verður vef­síðan dv.is áfram starf­rækt, en efn­is­á­herslum þar verður breytt, líkt og í prentút­gáf­unni.

„Þetta er fjöl­mið­ill sem hefur í gegnum tíð­ina verið braut­ryðj­andi og verið leið­andi að mörgu leyti“

Hlé verður nú gert á prentút­gáfu DV en stefnt er að því að fyrsta blaðið, undir rit­stjórn Tobbu, komi út innan fárra vikna. Ekkert hlé verður á starf­semi dv.is og und­ir­vefja þess.

Segir ráðninguna hafa borið brátt að

Spurð hvort þessa ráðn­ingu hafi borið brátt að segir Tobba svo vera. „Þegar maður er ekki að leita að neinu, þá fær maður svo fín til­boð. Það er vel þekkt! En ég ráð­færði mig við fjöl­skyld­una mína áður en ég gaf end­an­legt svar.  Í minni ítölsku fjöl­skyldu tökum við engar stórar ákvarð­anir nema allir séu um borð. Ég stofn­aði nýlega granóla­fyr­ir­tæki sem gengur gríð­ar­lega vel, en það verður í góðum höndum hjá mömmu, pabba, litlu systur minni, ömmu og öllu okkar góða starfs­fólki.“