Allt flug til og frá Úkraínu hefur verið stöðvað frá og með 28. mars. Síðasti túrist­inn í Kænu­garði mænir til opinna himna. Kannski hefði ég átt að fara heim, en matur á Íslandi er dýr­ari og áfengi ekki selt í mat­vöru­búðum þrátt fyrir ítrek­aðar til­raunir í þá átt. Ég þarf víst að lifa með áhætt­unni hér. Nú ríður bara á að veikj­ast ekki.

Ólíkt Rúss­landi sem lengi þrá­að­ist við var ákvörðun tekin um að loka Úkraínu, bæði flug­völlum og land­leið­inni sem og sam­göngum á milli borga. Í raun er Úkraína á milli tveggja elda. Farsótt gæti hæg­lega lamað heil­brigð­is­kerfið í einu stærsta en um leið einu fátæk­asta landi Evrópu. Lokunin hins vegar lamar hag­kerfi sem rétt var farið að taka við sér eftir áföllin og inn­rás­ina 2014. Og enn geisar stríð í austri.

Lengi vel virt­ist Úkraína ætla að sleppa vel frá sótt­inni, en lík­lega mæld­ist tíðnin svo …