Þessi grein birtist upphaflega í Stundinni fyrir meira en 5 árum.

Fyrsta andlát Íslendings vegna COVID-19: „Kom­inn tími til að þessi þjóð taki þessu al­var­lega“

71 árs göm­ul kona lést á Land­spít­al­an­um eft­ir langvar­andi veik­indi. Son­ur kon­unn­ar sem lést seg­ir móð­ur sína hafa bar­ist fyr­ir lífi sínu í viku, smit­uð af COVID-19.

Fyrsta andlát Íslendings vegna COVID-19: „Kom­inn tími til að þessi þjóð taki þessu al­var­lega“
Af bráðamóttöku Landspítalans Konan lést á Landspítalanum í gær. Mynd: Heiða Helgadóttir

„Hún barðist í heila viku fyr­ir lífi sínu smituð af Covid-19 veirunni,“ segir sonur 71 árs gamallar konu af Suðurlandi, sem lést vegna COVID-19.

Konan er fyrsti Íslendingurinn sem fellur frá vegna COVID-19. Hún hafði glímt við erfið veikindi. Andlát hennar er tilkynnt á vef Landspítalans. 

Sonur konunnar kvaddi móður sína með færslu á Facebook í morgun. Í gær hafði hann þurft að kveðja hana í gegnum síma, vegna smithættu.

„Sjálfsagt er flest­um að verða ljóst að litla landið okk­ar hef­ur þurft að þola sitt fyrsta dauðsfall af völd­um Covid 19 veirunn­ar, þó dauðsfall í fjöl­skyld­unni sé mikið einka­mál fyr­ir flesta þá lang­ar mig að sem flest okk­ar læri eitt­hvað af þessu. Þetta er mamma mín, hún barðist í heila viku fyr­ir lífi sínu smituð af Covid-19 veirunni, hún var í áhættu­flokki eins og mjög marg­ir aðrir. Þrír úr minni fjöl­skyldu höfðu tæki­færi til að kveðja hana fyr­ir enda­lok­in. Tveir þeirra vegna þess að þeir eru smitaðir af veirunni og ein sem lagði sig í mikla smit­hættu, ég hefði al­veg þegið að fá að horfa í augu henn­ar og segja bless en vegna aðstæðna var það ekki hægt. Í staðinn fæ ég að minn­ast henn­ar eins og ég sá hana síðast og fékk að kveðja hana í gegn­um sím­ann og ekka­sog. Það er al­veg kom­inn tími til að þessi þjóð og þegn­ar henn­ar taki þessu al­var­lega og hætti að haga sér eins og hálf­vit­ar,“ skrifar hann.

Svohljóðandi var tilkynning frá Landspítalanum í morgun:

„Mánudaginn 23. mars 2020 lést á smitsjúkdómadeild Landspítala liðlega sjötug kona, sem glímt hafði við langvarandi veikindi. Andlátið varð í kjölfar veikinda konunnar af völdum Covid-19-sjúkdómsins. Landspítali vottar fjölskyldu hennar samúð.“

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Covid-19

Mest lesið

Mest lesið

Mest lesið í vikunni

Mest lesið í mánuðinum

Hann var búinn að öskra á hjálp
3
Viðtal

Hann var bú­inn að öskra á hjálp

Hjalti Snær Árna­son hvarf laug­ar­dag­inn 22. mars. For­eldr­ar hans lásu fyrst um það í frétt­um að hans væri leit­að í sjón­um, fyr­ir það héldu þau að hann væri bara í göngu­túr. En hann hafði lið­ið sál­ar­kval­ir, það vissu þau. Móð­ir Hjalta, Gerð­ur Ósk Hjalta­dótt­ir, lýs­ir því hvernig ein­hverf­ur son­ur henn­ar gekk á veggi allt sitt líf, og hvernig hann veikt­ist svo mik­ið and­lega að þau voru byrj­uð að syrgja hann löngu áð­ur en hann var dá­inn.
Forsprakki útifundar játaði fjárdrátt á leikskólanum Klettaborg
4
Fréttir

Forsprakki úti­fund­ar ját­aði fjár­drátt á leik­skól­an­um Kletta­borg

Sig­fús Að­al­steins­son, stofn­andi hóps­ins Ís­land - þvert á flokka, sem stend­ur fyr­ir úti­fund­um um hæl­is­leit­end­ur, ját­aði á sig fjár­drátt frá leik­skól­an­um Kletta­borg þeg­ar hann var for­stöðu­mað­ur þar. Hann vill ekki dæma hvort brot af því tagi séu nógu al­var­leg til að inn­flytj­end­ur sem gerð­ust sek­ir um þau ætti að senda úr landi.

Mest lesið í mánuðinum

Nýtt efni

Mest lesið undanfarið ár