Pillan er mögu­lega það lyf sem hefur valdið hvað stærstum straum­hvörfum í jafn­rétt­is­bar­áttu kynj­anna. Með til­komu þessa lyfs varð konum mögu­legt að stjórna barn­eignum sínum, seinka þeim eða jafn­vel sleppa alfarið. Við sem höfum alltaf getað nýtt okkur und­ar­verkun þessa lyfs gerum okkur lík­lega ekki grein fyrir því hversu miklar breyt­ingar þessi litla pilla hafði í för með sér. 

Nafn­giftin sem hún gengur undir gefur það þó sterk­lega til kynna – pillan. Það þarf ekki einu sinni að taka fram hvað þessi pilla gerir. Vissu­lega höfðu getn­að­ar­varnir verið mögu­legar áður en pillan var fundin upp, en með til­komu þessa horm­óna­lyfs jókst aðgengi að þeim fyrir konur til muna og sjálfs­á­kvörð­un­ar­réttur þeirra styrkt­ist.

Hvað gerir pillan?

Þótt meiri­hluti þjóð­ar­innar hafi að öllum lík­indum á ein­hverjum tíma­punkti lífs síns notið góðs af áhrifum pill­unnar (vel að merkja, bæði karlar og konur) þá er ólík­legt að allir hafi fullan skiln­ing á virkni hennar. …