Helgi Helgason, for­maður Íslensku þjóð­fylk­ing­ar­innar, fór í stjórn­mál því honum fannst hann ekki geta horft upp á spill­ing­una í stjórn­kerf­inu og fjár­mála­kerf­inu. „Barna­skap og kæru­leysi fjór­flokks­ins, þar með talið Pírata, í flótta­manna­málum og hvernig stjórn­mála­menn hafa skorið niður fé til lög­regl­unnar til að berj­ast gegn man­sali og skipu­lögðum glæpa­sam­tökum á Íslandi,“ segir hann. 

Íslenska þjóð­fylk­ingin var stofnuð í febr­úar á þessu ári og stuttu síðar gekk stjórn­mála­flokk­ur­inn Hægri grænir inn í flokk­inn. Hægri grænir buðu fram í alþing­is­kosn­ingum 2013 og hlaut 1,7 pró­sent. Íslenska þjóð­fylk­ingin er þjóð­ern­is­flokkur sem vill standa vörð um full­veldi og sjálf­stæði Íslands, íslenska þjóð­menn­ingu, tungu og siði í land­inu. Flokk­ur­inn er alfarið á móti því að moskur verði reistar á Íslandi og vill banna búrkur og íslamskt skóla­hald. Íslenska þjóð­fylk­ingin vill einnig slíta EES-samn­ingnum, fara úr Schengen-sam­starf­inu, herða landamæra­eft­ir­lit og vill mjög herta inn­flytj­enda­lög­gjöf. 

Helgi segir að fyrsta þing­mál flokks­ins, kæm­ist hann á þing, yrði að afnema tekju­teng­ingar aldr­aðra og öryrkja. Næsta