Eyjan, vefrit sem gefið er út af Birni Inga Hrafnssyni, heldur því fram í dálknum Orðið á götunni að Vilhjálmur Bjarnason, þingmaður Sjálfstæðisflokksins, hafi beitt sér í þágu erlendra kröfuhafa og talað máli þeirra í samskiptum sínum við íslenska embættismenn. Auk þess hafi hann boðið fulltrúum kröfuhafa og bandarískra stjórnvalda til fundar að heimili sínu í Garðabæ og gortað af framtaki sínu.
„Ég svara ekki slúðri, þú verður bara að tala við Eyjuna,“ segir Vilhjálmur í samtali við Stundina. Aðspurður um sannleiksgildi þess sem fram kemur í greininni svarar hann: „Ég kannast ekki við þetta,“ og kveður.
Greinin á Eyjunni birtist í kjölfar þess að Vilhjálmur lét Framsóknarflokkinn fá það óþvegið í aðsendri grein í Morgunblaðinu. Kallaði hann flokkinn „smáflokk með mikilmennskubrjálæði“ og furðaði sig á því að Sjálfstæðisflokkurinn léti það yfir sig ganga „að lyfta formanni Framsóknarflokksins í stól forsætisráðherra“.
Örfáum vikum áður hafði Vilhjálmur hins vegar lýst trausti á ríkisstjórn undir forystu Framsóknarflokksins þegar hann greiddi atkvæði gegn vantrauststillögunni sem stjórnarandstaðan lagði fram gegn ríkisstjórn Sigurðar Inga Jóhannssonar.
Fjölmiðlamál
Öll stærri einkarekin fjölmiðlafyrirtæki rekin með tapi fyrir greiðslu fjölmiðlastyrkja
Hundruð milljóna taprekstur fjölmiðla telst ekki til fjárhagserfiðleika
Kolbrún og Kristín óska eftir rökstuðningi frá RÚV
Tengja uppsagnir hjá Morgunblaðinu við kjarabaráttu: „Þér kemur einfaldlega ekkert við hvað ég er með í laun“
Eyþór Arnalds: „Ósæmilegt að segja að Samherji sé einhvers konar mútufélag“
Athugasemdir