„Þetta var bara of mikið fyrir einn mann,“ segir Sigurjón M. Egilsson sem í dag lét af starfi fréttastjóra 365 að eigin ósk. Hann hyggst einbeita sér að þætti sínum Sprengisandi. Sigurjón tók við sem fréttastjóri í lok ágúst síðastliðnum í kjölfar uppsagnar Mikaels Torfasonar en á sama tíma tók Kristín Þorsteinsdóttir við sem aðalritstjóri 365. Stuttu síðar sagði Ólafur Stephensen ritstjóri Fréttablaðsins upp störfum og skrifaði að því tilefni eftirminnilegan leiðara um ritstjórnarlegt sjálfstæði fjölmiðla. 

Heimildir Stundarinnar herma að komið hafi til nokkurs ágreinings milli Kristínar og Sigurjóns, en Sigurjón vill ekki meina að hann láti nú af störfum af þeim sökum. „Við vorum ekkert alltaf sammála, en það er bara eins og gerist á vinnustöðum. Það var kominn tími fyrir mig að velja því þetta var of mikið fyrir mig. Ég var í vinnunni sjö daga vikunnar hverja einustu viku,“ segir Sigurjón. Hann viðurkennir að auki að heilsan …