Hann situr á kaffi­húsi í Reykja­vík. Hávaxinn, hlý­legur og glað­legur. Kolsvart kaffi í hvítum bolla fyrir framan hann.

„Ég flutti til Íslands í fyrra­vor en konan mín, Sandra, kom haustið 2015. Við ætlum að vera hérna á meðan yngsti sonur okkar, Kevin, stundar IB-nám í Mennta­skól­anum við Hamra­hlíð. Ég hef unnið sem bíl­stjóri fyrir fata­söfnun Rauða kross­ins frá því í fyrra­sumar en ég sæki föt í Rauða kross-gámana úti um allan bæ. Mér finnst gott að vinna fyrir gott mál­efni.“

Á bremsulausum jeppa 

Vil­hjálmur fædd­ist og ólst upp á Akureyri og kláraði nám við Gagn­fræða­skól­ann á Akureyri árið 1970. „Ég fór svo að vinna og var meðal ann­ars svo­lítið á sjó og í bygg­ing­ar­vinnu. Ég fór á sveita­böllin, fór að drekka og svo kynnt­ist ég öðrum vímu­efnum. Þetta var hippa­tíma­bilið og mikil upp­stokkun í gangi í þjóð­fé­lag­inu. Ég flutti að heiman 18 ára og fór að vinna …