Hundaræktunin Dalsmynni Hundagallerí ehf. auglýsir hvolpa sem tilvaldir séu í fermingarpakkann. Mynd er birt af French Bulldog. „Þessi sæta stelpa er tilvalin í fermingarpakkann,“ segir á Facebook-síðu ræktunarinnar sem er í eigu sömu aðila og Hundaræktunin Dalsmynni á Kjalarnesi. Áður hafði ræktunin auglýst hvolpa sem jólagjafir. Talsverð umræða hefur orðið um þessi mál á netinu. „Þið vitið að dýr eru EKKI hlutir sem á að gefa sem pakka, er það ekki öruggt,“ spyr Unnur Birna Björnsdóttir, í athugasemd við auglýsinguna sem birtist á Facebook.
Hrollvekjandi sölumennska
Árni Stefán Árnason, lögfræðingur sem sérhæfir sig í dýrarétti, vekur athygli á málinu á Facebook-síðu sinni. „...Það sem er mest svekkjandi er hvað fólk er almennt steinsofandi, afskiptalaust en samt æst í að lesa slúður og sem mest af því. Þegar vegið er að dýrum nánast heldur fólk kjafti í stað þess að tala máli þeirra. Óþolandi Íslendingar,“ skrifar hann í ahugasemd. Margir taka undir með honum og talað er um að sölumennska af þessu tagi sé „hrollvekjandi“.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir