Sigurður Ingi Jóhanns­son for­sæt­is­ráð­herra segir að á Íslandi þyki það gagn­rýni­vert að eiga fjár­muni. Eigna­fólk sé iðu­lega á milli tann­anna á fólki og að það geti verið erfitt. Þetta kom fram í svari hans við fyr­ir­spurn Ólínu Kjerúlf Þor­varð­ar­dóttur, þing­konu Sam­fylk­ing­ar­innar, sem bað for­sæt­is­ráð­herra um að útskýra hvað hann hefði átt við þegar hann sagði nýverið í við­tali að það væri greini­lega erfitt að eiga pen­inga á Íslandi. 

Að sögn Sigurðar verður að skoða ummæli hans í því ljósi að þau voru látin falla þegar hann „gekk niður stjórn­ar­ráð­s­tröpp­urnar sam­hliða blaða­manni sem spurði spurn­inga án þess að við værum í form­legu við­tali“. Hann útskýrði ummæli sín með eft­ir­far­andi hætti: „Þar var ég að tala um sam­fé­lagið. Vegna þess að það hefur alltaf, í mjög langan tíma, verið mjög á milli tann­anna á fólki þeir sem eiga fjár­muni. Það getur stundum verið erfitt, það er oft gagn­rýni­vert á Íslandi.“