BHM: Grafið undan lífskjörum lágtekjufólks – óþarfi að færa afgreiðslu námslána til einkafyrirtækja

Bandalag háskóla­manna gagn­rýnir harð­lega frum­varp Illuga Gunn­ars­sonar, mennta- og menn­ing­ar­mála­ráð­herra, til laga um náms­lán og náms­styrki. Í athuga­semdum sem BHM hefur sent ráðu­neyt­inu er full­yrt að með því að hætta tekju­teng­ingu end­ur­greiðslu náms­lána muni verða grund­vall­ar­breyt­ing á eðli íslenska náms­lána­kerf­is­ins. 

„BHM hvetur til þess að fram fari frek­ari umræða og vinna til að tryggja að greiðslu­byrði náms­lána verði áfram sann­gjörn líkt og í núver­andi kerfi. Einnig lýsir banda­lagið þungum áhyggjum af greiðslu­byrði lán­tak­enda í yngsta ald­urs­hópnum, fari svo að frum­varpið verði að lögum, sem og þeirra sem til­heyra lág­launa­stéttum háskóla­mennt­aðra og hópum sem standa félags­lega veikt að vígi,“ segir í frétta­til­kynn­ingu frá banda­lag­inu.

Í athuga­semdum þess er það fyr­ir­komu­lag gagn­rýnt að láns­fjár­hæðir fari eftir félags­legri stöðu fólks. Bent er á að vegna þessa skuldi fjöl­skyldu­fólk og ein­stæðir for­eldrar almennt meiri náms­lán að loknu námi en þeir sem einir eru. Verði hætt að tengja afborg­anir við tekjur, líkt og boðað er í frum­varp­inu, verði greiðslu­byrði barna­fólks þyngri en barn­lausra. 

„Samkvæmt frum­varp­inu munu náms­menn, sem upp­fylla til­teknar kröfur um náms­fram­vindu, eiga rétt á náms­styrkjum óháð félags­legri stöðu. BHM fer fram á að kann­aðir verði mögu­leikar á því að kerfið verði með þeim hætti að upp­hæð náms­styrks fari eftir félags­legri stöðu en láns­fjár­hæðir verði þær sömu fyrir alla.“

Samkvæmt frum­varpi Illuga GUnn­ars­sonar verður stjórn Lána­sjóðs íslenskra náms­manna heim­ilað að útvista dag­legum rekstri sjóðs­ins til einka­fyr­ir­tækis. Að mati BHM verður ekki séð að þörf sé á því að færa afgreiðslu náms­lána til einka­fyr­ir­tækja. Fram kemur að banda­lagið hygg­ist senda alls­herjar- og mennta­mála­nefnd ítar­lega umsögn um frum­varpið ef það verði tekið til þing­legrar með­ferðar. Haft hefur verið eftir Illuga Gunn­ars­syni að um for­gangs­mál sé að ræða fyrir kosn­ing­arnar sem heitið hefur verið að fram fari í haust.