Stjórnvöld fæla flóttamenn frá Noregi

Aftur heim. Síðar er farið að segja frá því að óham­ingu­samir flótta­menn snúi aftur heim vegna þess hvernig mót­tökur þeir fá.

Norsk stjórn­völd halda úti síðu á Facebook þar sem þeir reyna að fæla flótta­menn frá því að koma til lands­ins. Síðan, sem ber heitið „Strang­ari reglu­gerðir varð­andi flótta­menn í Noregi“ var stofnuð 6. nóv­em­ber í fyrra. Fyrsta til­kynn­ingin sem sett var inn á síð­una, dag­inn sem hún var opnuð, listar upp reglu­gerðir sem stjórn­völd hafa sett á til þess að hefta flæði flótta­manna til Noregs.  Þar kemur fram að bætur til flótta­fólks verði minnk­aðar um 20%, að tím­inn sem fólk þarf að hafa verið í Noregi til þess að fá var­an­legt dval­ar­leyfi verði lengdur úr þremur árum í fimm, í stað­inn verði gefin út tíma­bundin dval­ar­leyfi og allar til­raunir reyndar til að senda fólk úr landi, og að lög sem auð­velda sam­ein­ingu fjöl­skyldna flótta­fólks verði þrengd.

Norska ljónið. For­síðu­myndin er ljónið sem prýðir skjalda­merki lands­ins, með öxina reidda til höggs.

 Fyrstu inn­leggin á síð­unni eru á ensku, en nokkrum dögum síðar fóru að birt­ast inn­legg á öðrum tungu­málum, bæði rúss­nesku, norsku og arab­ísku. Lang­flest inn­legg núna eru á arab­ísku, og er það alltaf vísað í síður norskra stjórn­valda, þar sem sagt er frá hertum reglum, slæmum aðbún­aði flótta­fólks í Noregi, og frá­sagnir af flótta­mönnum sem hafa verið fluttir úr landi. 

Arabíska. Upp­lýs­ingar á síð­unni er að finna á ýmsum tungu­málum, en er arab­íska þó algeng­ust.

Matargjafir útiloka frekari aðstoð

Á síð­unni er vísað í upp­lýs­ingar stjórn­valda um að flótta­fólk sem komi frá Rúss­landi verði sent aftur þangað, einnig verði allir þeir sem ekki hafi undir höndum vega­bréf og nákvæm skjöl til að skýra ferðir sínar sendir til baka. Sér­stak­lega er tekið fram að flótta­fólk fái ekki pen­inga frá stjórn­völdum, en í staðin kort sem ein­ungis er hægt að nota til þess að versla mat, og ekk­ert annað. Flótta­fólk sem þiggur mat­ar­gjafir frá flótta­manna­búðum úti­loki með því frek­ari aðstoð frá stjórn­völdum. 

Mik­il­vægar upp­lýs­ingar. Síða stjórn­valda fer ekki í neinar graf­götur með sinn áróður.

40 breyt­ingar á norskri lög­gjöf, sem allar miða að því að “þrengja flótta­manna­lög­gjöf­ina og gera það óaðl­að­andi að sækja um hæli í Noregi”

Úr landi. Reglu­lega koma inn á síð­una sögur af þeim flótta­mönnum sem stjórn­völdum hefur tek­ist að fá flutta úr land­inu.

Í byrjun jan­úar á þessu ári var svo til­kynnt um 150 blað­síðna skjal, sem inni­heldur 40 breyt­ingar á norskri lög­gjöf, sem allar miða að því að “þrengja flótta­manna­lög­gjöf­ina og gera það óaðl­að­andi að sækja um hæli í Noregi”. Einnig er tekið fram, á nokkrum mis­mun­andi tungu­málum, að vegna hertrar lög­gjafar séu flótta­menn í auknum mæli að snúa frá land­inu. 

Þremur dögum eftir að síðan var opnuð kom inn á hana til­kynn­ing um að öllum kommentum við færslur á henni verði eytt, vegna óvið­eig­andi ummæla sem þar hafi komið fram.

Ummælum eytt. Stuttu eftir opnun síð­unnar kom þessi færsla um að öllum ummælum verði eytt vegna.