Hleypt var inn í hollum í nýupp­gerða verslun Elko á Granda í morgun en í til­efni opn­un­ar­innar voru ýmsar vörur á sér­stöku til­boði í tak­mörk­uðu upp­lagi. Magnús Torfi Magn­ús­son, versl­un­ar­stjóri Elko á Granda, segir í sam­tali við Mbl.is að röð hafi byrjað að mynd­ast upp úr klukkan fimm í morgun. Á sama tíma og heppnir við­skipta­vinir streymdu út úr verslun Elko með glæ­nýja síma, sjón­vörp og þvotta­vélar kynnti Íslands­banki nýja þjóð­hags­spá sem spáir kaup­mátt­ar­aukn­ingu upp á 9,1 pró­sent í ár, sem verður mesta hækkun kaup­máttar launa um ára­bil. 

Þenslan nær hámarki á næsta ári

Í þjóð­hags­spánni er því spáð að hag­vöxt­ur­inn verði 5,4 pró­sent á þessu ári. „Sem er hrað­asti hag­vöxtur sem við höfum séð hér á landi í heilan ára­tug og er bor­inn uppi af auknum vexti í inn­lendri eft­ir­spurn, neyslu og fjár­fest­ingu, og reyndar einnig fram­haldi af vexti í útflutn­ingi sem hefur verið burð­ar­mátt­ur­inn í þeim hag­vexti sem hér hefur staðið frá árinu 2010. Á næsta ári verður einnig dágóður hag­vöxtur að okkar mati eða fjögur pró­sent og þá mun þenslan ná hámarki í hag­kerf­inu. 2017 verður þannig í raun­inni hið nýja 2007, von­andi án þynn­kunnar,“ sagði Ingólfur Bender, for­stöðu­maður Grein­ingar Íslands­banka,  á kynn­ing­ar­fundi í morgun. Hann bætti því við að sýn grein­ing­ar­deild­ar­innar væri sú að hag­kerfið gæti lent „til­tölu­lega mjúk­lega“ árið 2018 og að ekk­ert við­líka hrun­inu 2008 væri í kort­unum.    

„2017 verður þannig í raun­inni hið nýja 2007, von­andi án þynn­kunnar.“

„Þetta upp­sveiflu­tíma­bil er sér­stakt fyrir þær sakir að við erum að sjá hag­vöxt á mann, ef þessi spá gengur eftir, vera í átta ár sam­fleytt. Við höfum aldrei séð, í sögu lýð­veld­is­ins að minnsta kosti, hag­vöxt á mann yfir svo langan tíma,“ segir Ingólfur. Hann segir tvennt koma til; í fyrsta lagi hafi verið gríð­ar­legur slaki á hag­kerf­inu þegar það byrj­aði að vaxa árið 2010 og í öðru lagi hafi hag­vöxt­ur­inn verið til­tölu­lega hóf­legur á þessu tíma­bili miðað við fyrri upp­sveiflur. „Hag­kerfið hefur þannig ekki keyrst upp með sama offorsi og við höfum séð oft áður.“   

„Ísland alltaf best í heimi“    

„Ísland er alltaf best í heimi,“ sagði Ingólfur glett­inn þegar hann setti upp glæru af hröðum hag­vexti Íslands í alþjóð­legu ljósi. „Þegar maður ber saman þessa spá okkar, 5,4 pró­senta hag­vöxt á þessu ári og fjögur pró­sent á næsta ári, við þessa spá Alþjóða­gjald­eyr­is­sjóðs­ins fyrir þá iðn­ríki er að hag­vöxt­ur­inn verður hvergi ann­ars staðar, í neinu öðru iðn­ríki, meiri á þessum tveimur árum en hér, ef þessar spár ganga eftir.“