Stærð­fræði­kunn­átta og vís­inda­læsi íslenskra nem­enda heldur áfram að versna sam­kvæmt nið­ur­stöðum nýrrar PISA könn­unar. Lesskiln­ingur íslenskra nem­enda stendur hins vegar nán­ast í stað frá síð­ustu könnun. Hin Norð­ur­löndin, og önnur vest­ur­evr­ópsk ríki, standa sig öll tals­vert betur en Ísland sem er í öllum til­vikum undir með­al­tali OECD ríkja. Íslenskir nem­endur voru ansi nálægt með­al­tal­inu hvað stærð­fræði­kunn­áttu varðar, fengu 488 stig á meðan með­al­tal OECD ríkja er 490. Hins vegar fengu íslenskir nem­endur aðeins 467 stig í vís­inda­læsi, á meðan OECD með­al­talið 493, og 485 stig í lesskiln­ingi á meðan með­al­tal OECD ríkja er 493 stig. Þess má geta að síð­asta PISA könnun var fram­kvæmd árið 2012. 

Ísland í PISA Hér má sjá þróun frammi­stöðu Íslands í PISA könn­unum síð­ustu ára.

Nauðsynlegt að stjórnvöld grípi þegar til aðgerða

Í frétta­til­kynn­ingu frá mennta- og menn­ing­ar­mála­ráðu­neyt­inu segir að þró­unin hér á landi sé mikið áhyggju­efni því á öllum þeim sviðum sem mæld …