Óveður gengur nú yfir sunnanvert landið en stærstu vindhviðurnar hafa farið yfir sjötíu metra á sekúndu. Mikið álag hefur verið á Neyðarlínunni og hefur fólki verið bent á senda SMS til 112 eða hringja í 570-2080 ef mikið liggur við. Lögreglan á höfuðborgarsvæðinu hafa þurft að forgangsraða verkefnum og getur ekki sinnt öllum tilkynningum vegna veðursins. Björgunarsveitamenn, slökkviliðsmenn og lögreglumenn sinna einungis alvarlegustu tilfellunum. Björgunarsveitir á höfuðborgarsvæðinu hafa haft í mörgu að snúast frá klukkan sjö í morgun. Um klukkan hálf níu hafði verið tilkynnt um fjörutíu atvik þar sem hlutir fuku, svo sem girðingar, þakplötur, garðskýli, vinnupallar og fleira. 

Strætóskýli fokið og tré rifnað upp frá rótum

Ýmislegt hefur gengið á í morgun. Strætóskýli hafa fokið út á vegi á höfuðborgarsvæðinu og nokkur tré hafa rifnað upp með rótum. Í Austurveri sprakk rúða í veðurofsanum. Miklabraut er lokuð eftir að þakplötur fóru að fjúka við bensínstöð Shell sem …