Signý Tindra Dúadóttir missti fingur í vinnuslysi á síðasta ári. Hún festi giftingarhring sinn í teinum á girðingu við frístundaheimili í Vesturbænum með þeim afleiðingum að fingurinn rifnaði af. Þetta er ekki í fyrsta skipti sem fólk slasar sig alvarlega á þessari gerð girðinga en fyrir nokkrum árum skarst barn til að mynda alvarlega á hálsi þegar það klifraði yfir samskonar girðingu. Herdís L. Storgaard, verkefnastjóri hjá Miðstöð slysavarna barna, segist enn fá tilkynningar um slys vegna þessara girðinga þrátt fyrir töluverða fjölmiðlaumfjöllun í kjölfar alvarlegs slyss í Hafnarfirði árið 2011. Hún segir alveg ljóst að girðingar af þessu tagi séu ólöglegar við leiksvæði barna. Reykjavíkurborg er ekki á sama máli.
Hætti við að klifra yfir
Girðingarnar má finna víða á höfuðborgarsvæðinu. Þær eru á milli umferðagatna, í kring um byggingasvæði, skóla og við íþróttasvæði og sundlaugar. Oftast eru þær annað hvort grænar eða gráar. Á þeim eru litlir teinar sem eru ýmist efst eða neðst á girðingunni. Ef teinarnir eru neðst þá er efri hlutinn alveg sléttur. Á flest öllum skóla- og íþróttasvæðum snúa teinarnir niður og á þeim stöðum sem þeir snúa upp hafa skólar gjarnan látið setja hlíf yfir teinana svo þeir valdi ekki skaða. „En það eru enn leikskólar og skólalóðir með girðingar með teinum sem snúa upp,“ fullyrðir Signý.
Hún var að vinna á frístundaheimilinu Frostheimum við Frostaskjól í Vesturbænum þegar slysið átti sér stað. Hún hafði séð strák úr hópnum hlaupa á bakvið skúr og fór að sækja hann. Drengurinn hafði sparkað bolta yfir girðingu sem var við skúrana og hugðist klifra yfir til að sækja hann. „Ég bað hann um að gera það ekki og bauðst til að sækja boltann. Ég byrjaði að klifra, en sá síðan litlu teinana efst á girðingunni og leist ekki á blikuna. Teinarnir voru augljóslega hættulegri en þeir virtust við fyrstu sýn þannig ég hætti við að klifra yfir. Ég sleppti því takinu á girðingunni, en það var nóg til þess að giftingahringurinn minn festist í einum tein og fingurinn rifnaði af.“
Borgin hafnar bótakröfu
Signý segist hafa farið í áfall við slysið, bæði líkamlegt og andlegt. „Það er ekki fallegt þegar fingur rifnar af,“ útskýrir Signý, en hún fékk sýkingu og
Athugasemdir