Lög­reglan á höf­uð­borg­ar­svæð­inu stöðv­aði rauða bif­reið nú fyrir skömmu í Bökkunum í Breið­holti en ekki er vitað hvort það sé í tengslum við leit­ina að Birnu Brjáns­dóttur sem hvarf aðfara­nótt laug­ar­dags.

Birna Brjáns­dóttir

Mynd: Facebook / Lög­reglan

Vitni segj­ast hafa séð þrjár lög­reglu­bif­reiðar koma aðvíf­andi að Bökkunum í Breið­holti fyrir tæpum klukku­tíma og umkringja bif­reið­ina. 

Bif­reið­inni þykir svipa til þeirrar bif­reiðar sem talin er hafa annað hvort keyrt fram hjá Birnu á Lauga­veg­inum aðfar­arnótt laug­ar­dags eða tekið hana upp í. Þetta er þó ekki rauður Kia Rio heldur Toyota Yaris. Þess ber að geta að Birna býr í Breið­holti, er 170 sentí­metrar á hæð, um 70 kíló, ljós­rauð­hærð og með slegið hár.

Enn lagt á miðju stæði Rauð Toyota Yaris sem lög­reglan leit­aði í nú fyrir skömmu í Breið­holti situr enn á bíla­stæði í Bökkunum, ólög­lega lagt og óhreyfður.

Óhreyfð og ólöglega lagt

Samkvæmt vitnum sem höfðu sam­band virt­ist sem að tveir menn hefðu verið í rauðu bif­reið­inni sem var stöðvuð en í mynd­skeiði sem Stundin hefur undir höndum sjást lög­reglu­menn leita í bif­reið­inni. Ekki er vitað hvort menn­irnir tveir hafi verið færðir til yfir­heyrslu hjá lög­reglu eða sleppt á staðnum en rauða bif­reiðin er enn á sama stað, óhreyfð og ólög­lega lögð eftir leit lög­regl­unnar.

Engar upp­lýs­ingar hafa feng­ist frá lög­reglu um hvort aðgerðin teng­ist leit­inni eður ei.