Hræringar á fjölmiðlamarkaði

Sigmar Guð­munds­son mun sjá um nýjan morg­un­þátt á Rás 2 ásamt Guðrúnu Sóleyju Gests­dóttur. Sigmar var rit­stjóri Kast­ljóss­ins um ára­bil en lét nýverið af störfum fyrir Kast­ljósið. Þóra Arn­órs­dóttir var ráðin sem rit­stjóri og Baldvin Þór Bergsson feng­inn inn í stað Sigmars.

Tilkynnt var um fleiri breyt­ingar á fjöl­miðla­mark­aði í dag. Björn Þor­láks­son var feng­inn til liðs við Hring­braut þar sem hann mun skrifa pistla og frétta­skýr­ingar á vef­inn fyrst um sinn. Björn er þaul­vanur frétta­maður sem vann um ára­bil á RÚV en hefur síð­ustu ár stýrt Akureyri viku­blað. Útáfu blaðs­ins var hætt í kjöl­far þess að Björn Ingi Hrafns­son keypti útgáfu­fé­lagið Fótspor sem gaf það út.

Greint var frá ráðn­ing­unni á vef Hring­brautar í dag. Þar var haft eftir Birni að það hafi verið áskorun að halda úti gagn­rýnum stað­ar­miðli í fjögur ár, en nú sé tíma­bært að söðla um. „Ég mun hafa almanna­hags­muni að leið­ar­ljósi í störfum mínum hjá Hring­braut eins og blaða­mönnum ber að gera. Nú eru liðin sex ár síðan ég vann síð­ast við ljós­vak­ann og ég hlakka til að snúa aftur á nýjan vett­vang.“