Hópurinn sem grunaður er um að hafa banað Arnari leiddur fyrir dómara

Vopnaðir sér­sveit­ar­menn voru við­staddir þegar Lög­reglan á höf­uð­borg­ar­svæð­inu leiddi menn úr hópi sem réðst á Arnar Jónsson Aspar, með þeim afleið­ingum að hann lést í gær­kvöldi, fyrir dóm­ara í Hér­aðs­dómi Reykja­víkur. Hér­aðs­dómur féllst á gæslu­varð­hald yfir fimm karl­mönnum og einni konu. Meðal hinna hand­teknu eru Jón Trausti Lúth­ers­son, Sveinn Gestur Tryggva­son, Marcin Wieslaw Nabakowski, Rafal Marek Nabakowski og Ásta Hrönn Guð­munds­dóttir.

Arnar var heima hjá sér að Æsu­stöðum í Mos­fells­dal þegar fólkið bank­aði upp á. Kona Arnars var á heim­il­inu, sem og tíu daga gam­alt stúlku­barn hans.

Konan leidd fyrir dóm­araÍ hópnum eru fimm karl­menn og ein kona.

Mynd: Stundin

Samkvæmt umfjöllun Mbl.is reyndi kona Arnars, Heiðdís Helga Aðal­steins­dóttir, að biðla til árás­armanna um að hætta, þar sem hann ætti tíu daga gamla dóttur og fjöl­skyldu. Afi Heið­dísar var í mat hjá þeim þegar hóp­inn bar að. Hann horfði upp á árás­ina og fékk hjarta­á­fall. Hann liggur nú á hjarta­deild Land­spít­al­ans. 

Fram hefur komið að á meðal hinna hand­teknu séu Jón Trausti Lúth­ers­son, for­sprakki bif­hjóla­sam­tak­anna Outlaws, og bræð­urnir Marc­in Wieslaw Naba­kowski og Rafal Ma­rek Naba­kowski, sem hlutu dóm í febr­úar fyr­ir skotárás í Breið­holti. Þeir áfrýj­uðu og hafa enn ekki hafið afplánun.

Fólkið, fimm karl­menn og ein kona, verða leidd eitt af öðru fyrir dóm­ara.

Áður dæmdur fyrir ofbeldiJón Trausti Lúth­ers­son leiddur aftur inn í bif­reið lög­regl­unnar.

Mynd: Stundin