„Þetta var ekki eins mikil bylting og fólk hélt að það yrði,“ segir Margrét Erla Maack, dómari og spurningahöfundur í Gettu betur, um kynjakvótann sem var innleiddur í keppnina í fyrsta skipti í ár. Ákvörðunin var mjög umdeild á sínum tíma og töldu sumir lítið gert úr stelpum sem yrðu eingöngu þekktar fyrir að vera kvótastelpurnar. „Það var alls ekki þannig,“ segir Margrét Erla. „Þær héldu uppi góðum móral í liðunum og það var komin mikið víðari þekking í liðin. Það var líka svo frábært að sjá hvað þetta voru alls konar stelpur. Án þess að gera lítið úr einum né neinum þá hafa Gettu betur strákarnir verið svolítið keimlíkir. Ein gagnrýnin á kynjakvótann var að það væri valið í liðin með forprófum, en málið er að forprófin koma ekki frá keppninni heldur liðunum sjálfum. Eðli málsins samkvæmt spyrja liðin úr sínum þekkingarbanka þannig það hefur verið svipuð þekking meðal …