Þessi grein birtist upphaflega í Stundinni fyrir meira en 9 árum.

„Bókstaflegt dæmi um hlutgervingu þegar konu er breytt í dekk“

Kven­rétt­inda­fé­lag Ís­lands vek­ur at­hygli á aug­lýs­ingu í Frétta­blað­inu þar sem bú­ið er að móta dekk í kven­lík­ama. Bryn­hild­ur Heið­ar- og Óm­ars­dótt­ir, fram­kvæmda­stýra fé­lags­ins, seg­ir að um sé að ræða dæmi­gerða hlut­gerv­ingu kven­lík­ams til að selja vöru.

„Bókstaflegt dæmi um hlutgervingu þegar konu er breytt í dekk“

Kvenréttindafélag Íslands vekur athygli á auglýsingu sem birtist í Fréttablaðinu í morgun á Facebook-síðu sinni. „Fílar þú þig sem harðkornadekk í dag?“ spyr félagið á Facebook.

Auglýsingin, sem er á vegum Dekkverks, sýnir dekk sem búið er að móta í kvenmannslíkama. Í samtali við Stundina segir Brynhildur Heiðar- og Ómarsdóttir, framkvæmdastýra félagsins, að um er að ræða dæmigerða og bókstaflega hlutgervingu kvenlíkamans. „Þetta er klassískt og bókstaflegt dæmi um hlutgervingu þegar konu er breytt í dekk. Ég skil ekki alveg hugsunina bak við þessa auglýsingu. Árið er 2015 og ég hélt að tími svona auglýsinga væri löngu liðinn,“ segir Brynhildur.

Framkvæmdastýra
Framkvæmdastýra Brynhildur Heiðar- og Ómarsdóttir, framkvæmdastýra Kvenréttindafélags Íslands, segir að um er að ræða dæmigerða og bókstaflega hlutgervingu kvennlíkamans.

Hún bendir á að varan sem er auglýst komi líkama kvenna ekkert við. „Þetta snýst um hvernig kyn kvenna er smættað niður í hluti og svo notað í að auglýsa vöru sem tengist líkama kvenna ekki neitt. Það sem mér flaug strax í hug er hinn frægi Michelin-maður. Þá sér maður að þegar karlar eru notaðir, því Michelin-maðurinn er karlmaður og þetta er karllíkami, þá er hann fígúra sem er gerandi í auglýsingunni. Það er ekki verið að gera út á að hann sé sexí eða fallegur. Það er ekki verið að segja: „Girnstu mig“,“ segir Brynhildur.

Hún bendir enn fremur á að öll áhersla í auglýsingunni sé á brjóst dekkjakonunnar og hún hafi ekki einu sinni haus. „Síðan sjáum við þessa auglýsingu þar sem ekki nóg með það að þetta sé kvennlíkaminn sem er smættaður niður í dekk þá er hún algjörlega hauslaus líka. Það vantar á hana alla útlimi og það eina sem er lagt áhersla á eru brjóst, magi, rass og læri. Það er ekki verið að nota konu sem talskonu dekkja,“ segir Brynhildur.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Mest lesið

Mest lesið í vikunni

Siðferðisspurningar vakna vegna uppbyggingar Andra og Birgis
4
Fréttir

Sið­ferð­is­spurn­ing­ar vakna vegna upp­bygg­ing­ar Andra og Birg­is

Fjár­fest­ar sem eru sak­að­ir um að hafa milli­göngu um iðn­að­ar­njósn­ir fyr­ir millj­arða­mær­ing­inn Björgólf Thor Björgólfs­son vilja reisa þétt­býlt hverfi í um tveggja kíló­metra fjar­lægð frá vatns­vernd­ar­svæði höf­uð­borg­ar­svæð­is­ins. Svo virð­ist sem eng­in krafa sé uppi um sið­ferði fjár­festa þeg­ar kem­ur að Kópa­vogs­bæ.

Mest lesið í mánuðinum

Mest lesið í mánuðinum

Nýtt efni

Mest lesið undanfarið ár