Þröstur Sig­munds­son, eig­in­maður Silju Daggar Gunn­ars­dóttur alþing­is­konu úr Fram­sókn­ar­flokknum, er byrj­aður að stunda hrefnu­veiðar á hval­veiði­bátnum Rokk­ar­anum KE sem var í eigu Útgerð­ar­fé­lags­ins Fjarðar ehf. þar til um haustið 2013 en Birna Lofts­dóttir, einn stærsti hlut­hafi Hvals hf. og HB Granda hf., er einn af stofn­endum þess fyr­ir­tækis og sat lengi í stjórn þess. Útgerð­ar­fé­lagið Fjörður ehf. seldi bát­inn til fyr­ir­tækis sem heitir Hraun­fossar sær ehf.  fyrir rúm­lega 22 millj­ónir króna árið 2013 þegar FJörður hætti hrefnu­veiðum. Hval­veiði­fyr­ir­tæki Þrastar heitir Runo ehf. og sat Silja Dögg í stjórn þess þar til sum­arið 2015 þegar dóttir þeirra sett­ist í stjórn félags­ins. 

Þröstur, sem er vél­fræð­ingur, seg­ist ekki áður hafa stundað hval­veiðar áður en að hann hafi verið á sjó í gegnum árin. „Ég byrj­aði sjálfur með bát þegar ég var 18 ára, þá var ég á skaki, og svo var ég vél­stjóri á frysti­tog­urum. Maður er bara eins og flestir aðrir: Að reyna að gera eitt­hvað. Svo geri ég kannski eitt­hvað annað og nýtt með bát­inn þegar hrefnu­veið­unum lýkur.“