„Lesturinn á þessari grein er kominn hátt í 60 þúsund sem er met á Kynlífspressunni,“ sagði Ragnheiður Haralds- og Eiríksdóttir, hjúkrunarfræðingur og blaðakona á Pressunni í viðtali við Frosta og Mána á Harmageddon í morgun. 

Í gær birti vefurinn Kynlífspressan ítarlegt og opinskátt viðtal við mann sem gortaði af því að hafa keypt vændi af klámmyndaleikkonu og borgað fyrir þátttöku í hópkynlífi. „Þetta er vinur háttsetts manns í fyrirtækinu sem ég vinn hjá og þannig komst ég í samband við hann,“ sagði Ragnheiður. Þá lýsti hún viðbrögðunum við greininni og sagði fámennan en háværan hóp hafa hneykslast á greininni á samfélagsmiðlum.  

„Það er örugglega margir sem hafa rúnkað sér yfir þessu í gærkvöldi,“ sagði Ragnheiður og bætti við: „Lýsingarnar eru nú alveg sæmilega sexý.“