„Ég var orð­inn alltof þungur og glímdi að auki við veik­indi í hné eftir slys á sjónum. Af þessu leiddi að ég átti erfitt með gang,” segir Björn Zoëga Björns­son, 50 ára fyrr­ver­andi skip­stjórn­ar­maður, sem þakkar nú sínum sæla fyrir að hafa snúið lífi sínu frá kyrr­setu í það að ganga á fjöll nokkrum sinnum í viku. 

Það sem varð Birni til bjargar var verk­efnið Biggest Winner sem stofnað var til á vegum Ferða­fé­lags Íslands í febr­úar á síð­asta ári. Mark­miðið var að gefa þungu fólki tæki­færi til að styrkja sig og létta með fjall­göngum. 40 manns tóku slag­inn. Þeirra á meðal var Björn. 

Hætti á sjónum

„Ég hafði þurft að hætta sjó­mennsku vegna slyss á hægra hné. Þetta hefur háð mér mjög und­an­farin ár. Þegar reyndi á hnéð þá bólgn­aði það upp og það tók mig langan tíma að verða góður. Núna  finn ég nán­ast ekki fyrir verkjum. Ég hef farið í sjö aðgerðir á hnénu. Brjóskið er nán­ast uppurið og ég er með slit­gigt. Til þess að bæta gráu ofan á svart var ég með syk­ur­sýki 2. Árið 2013 fékk ég „Unloader One“ hné­spelku frá Össuri sam­kvæmt ráð­legg­ingu heim­il­is­læknis míns. Ég hefði raunar þurft að fara í lið­skipti en var að mati Trygg­inga­stofn­unar of ungur,“ segir Björn.