Byggingargeirinn ýtir undir hækkandi fasteignaverð

Umsvif í bygg­ing­ar­geir­anum hafa auk­ist mjög síð­ustu mán­uði og sett sinn svip á höf­uð­borg­ina með til­heyr­andi bygg­ing­ar­krönum og fjöld­ann allan af iðn­að­ar­mönnum. Síðustu ár hefur fjöldi nýbygg­inga ekki haldið í við fjölgun íbúa og þrátt fyrir aukin umsvif er ekki nægi­lega mikið byggt til að mæta þeim skorti sem mynd­ast hefur á hús­næð­is­mark­aði. Aukin eft­ir­spurn hefur ýtt fast­eigna­verði upp og þrátt fyrir að sífellt verði hag­stæð­ara að byggja er ekki nægi­lega fjár­fest í geir­anum. Áætlað er að til þess að koma jafn­vægi á fast­eigna­verð þurfi í minnsta lagi að byggja 2 þús­und nýjar íbúðir á ári, fram til árs­loka 2019.