Þessi grein birtist upphaflega í Stundinni fyrir meira en 9 árum.
Úttekt Landflótti

Aftur heim frá fyrirheitna landinu

Ár­lega flytja hundruð Ís­lend­inga frá Nor­egi til Ís­lands. Nú hef­ur straum­ur­inn út minnk­að og fleiri snúa til baka en áð­ur.

Freyja Búadóttir
ritstjorn@heimildin.is

Sigurlaug Helga Guðmundsdóttir flutti með manninum sínum og barni frá Reykjavík til Krokstadelva, skammt frá Osló í Noregi, árið 2010. Eftir fjögur ár höfðu þau bætt við einum heimilismeðlimi, voru bæði í mjög góðri vinnu og höfðu kynnst mörgum Norðmönnum. Engu að síður ákváðu þau að flytja aftur heim til Íslands. Hún segir reynsluna dýrmæta en ekkert komi í staðinn fyrir Ísland.
„Við búum við þau forréttindi að eiga nána fjölskyldu og okkur fannst mikilvægt að börnin myndu alast upp í nánu samneyti við afa, ömmur og önnur skyldmenni. Við hugsuðum bara með okkur að valið stæði milli þess að ala börnin upp sem Norðmenn eða koma heim, við völdum að koma heim,“ segir Sigurlaug.

Sigurlaug Helga
Sigurlaug Helga Fjölskyldan bjó í Noregi í fjögur ár en eru komin heim. Ánægð með dýrmæta reynslu en ekkert kemur í stað Íslands.

Eignuðust lífstíðarvini

Sigurlaug segir að fyrsta árið hafi verið langerfiðast, það hafi tekið tíma að komast inn í samfélagið og venjast breyttu umhverfi. Þá varð hún ólétt stuttu eftir að þau fluttu. „Ég ætlaði að pakka niður og flytja örugglega fjórum sinnum á fyrsta árinu,“ segir Sigurlaug. „Eftir að maður hefur búið svona langt frá nánustu fjölskyldu lærir maður að meta lífið á nýjan hátt og lærir hvað raunverulega skiptir máli í lífinu. Nálægð við fjölskylduna skipti okkur mestu máli. Að eignast barn, nýfluttur í nýtt land, er ekki auðvelt og þá saknar maður fjölskyldunnar mikið.“ 

Noregur er vinsælasti áfangastaður Íslendinga sem flytja frá Íslandi og oft er það vegna nýrra atvinnutækifæra eða tilboða sem dregur fólk að.

„Maðurinn minn fékk atvinnutilboð. Við höfðum verið með byggingarfyrirtæki á Íslandi en eftir hrun var lítið um verkefni. Þegar honum bauðst vinna var því lítið því til fyrirstöðu að stökkva á það og prufa eitthvað nýtt.“

Sigurlaug segir að Norðmenn hafi tekið þeim gríðarlega vel. „Við eignuðumst góða vini fyrir lífstíð og okkur leið mjög vel úti, vorum bæði vinnandi en það var samt alltaf eitthvað sem togaði okkur heim aftur. Það er gríðarlega þroskandi að prufa að búa í útlöndum en það er líka gott að hafa það bara sem prufu og koma svo heim aftur reynslunni ríkari.“

Kjósa
0
Hvernig finnst þér þessi grein? Skráðu þig inn til að kjósa.
Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Landflótti

Fluttur úr landi: Fær meira fyrir ellilífeyrinn í Berlín
ViðtalLandflótti

Flutt­ur úr landi: Fær meira fyr­ir elli­líf­eyr­inn í Berlín

Kristján E. Guð­munds­son tók upp á því á gam­als­aldri að rífa sig upp með rót­um og flytj­ast til Berlín­ar. Hann hef­ur kom­ið sér vel fyr­ir í höf­uð­borg Þýska­lands og sæk­ir með­al ann­ars leir­list­ar­nám­skeið. Þá drekk­ur hann í sig menn­ingu borg­ar­inn­ar og nýt­ur list­a­lífs­ins. Ekki skemm­ir fyr­ir að hægt er að fá mun meira fyr­ir elli­líf­eyr­inn í þess­ari fjöl­menn­ing­ar­legu borg þar sem verð­lag­ið er allt að helm­ingi lægra en á Ís­landi.

Nýtt efni

Alls konar fólk sem þarf aðstoð: „Það getur eitthvað komið fyrir hjá öllum“
FréttirJólin

Alls kon­ar fólk sem þarf að­stoð: „Það get­ur eitt­hvað kom­ið fyr­ir hjá öll­um“

Fjöl­breytt­ur hóp­ur sæk­ir matarað­stoð fyr­ir jól­in en út­lit er fyr­ir að svip­að marg­ir þurfi á slíkri að­stoð að halda í ár og í fyrra, um 4.000 heim­ili ef lit­ið er til að­stoð­ar Hjálp­ar­starfs kirkj­unn­ar og Mæðra­styrksnefnd­ar. Há leiga eða há­ar af­borg­an­ir eru að sliga marga sem þurfa að sækja sér að­stoð.
Ísrael og Palestína: „Stjórnvöld sem líkja má við mafíur“
Viðtal

Ísra­el og Palestína: „Stjórn­völd sem líkja má við mafíur“

Dor­rit Moussai­eff er með mörg járn í eld­in­um. Hún ferð­ast víða um heim vegna starfs síns og eig­in­manns­ins, Ól­afs Ragn­ars Gríms­son­ar, þekk­ir fólk frá öll­um heims­horn­um og hef­ur ákveðna sýn á við­skipta­líf­inu og heims­mál­un­um. Hún er heims­kona sem hef­ur í ára­tugi ver­ið áber­andi í við­skipta­líf­inu í Englandi. Þessi heims­kona og fyrr­ver­andi for­setafrú Ís­lands er elsku­leg og elsk­ar klón­aða hund­inn sinn, Sam­son, af öllu hjarta.
Á ekki von á 50 milljónum eftir jólin
ÚttektJólin

Á ekki von á 50 millj­ón­um eft­ir jól­in

Nokk­ur af þekkt­ustu nöfn­un­um í ís­lensku tón­list­ar­sen­unni gefa nú út svo­köll­uð texta­verk, prent­uð mynd­verk með texta­brot­um úr lög­um sín­um. Helgi Björns­son seg­ir að marg­ir hafi kom­ið að máli við sig um að fram­leiða svona verk eft­ir að svip­uð verk frá Bubba Mort­hens fóru að selj­ast í bíl­förm­um. Rapp­ar­inn Emm­sjé Gauti seg­ir texta­verk­in þægi­legri sölu­vöru til að­dá­enda en ein­hverj­ar hettupeys­ur sem fylli hálfa íbúð­ina.

Mest lesið undanfarið ár