„Jóhanna! Þú ert lesbía! Stein­grímur! Þú ert sköll­óttur!“ Svo hljómar brot úr texta lags­ins „Arðrán hinnar nýju valda­stéttar“ eftir pönk­hljóm­sveit­ina Vafasöm síð­mótun. Bassa­leik­ari hljóm­sveit­ar­innar er betur þekktur sem aðstoð­ar­maður for­sæt­is­ráð­herra Sig­mundar Davíðs Gunn­laugs­sonar, Jóhannes Þór Skúlason. Í sam­tali við Stundina segir Jóhannes Þór ekki hafa spilað með hljóm­sveit­inni um nokk­urt skeið en hann sé þó hvergi nærri hættur í pönk­inu.

Hljóm­sveitin hefur gefið út fjórar plötur, meðal ann­ars Bylting og étin börn árið 2011 og  Íslensk þjóð­menn­ing sem kom út 1. októ­ber 2013, sama dag og þing var sett eftir kosn­inga­sigur Fram­sókn­ar­flokks­ins. Árið 2008 vann hljóm­sveitin pönk­laga­sam­keppni Þjóð­leik­húss­ins og Rásar 2 og kom í kjöl­farið fram í Kast­ljósi þar sem þeir spil­uðu lagið „Ísland er fokk“. Mynd­bandið má sjá hér fyrir neðan.

Sigmundur er vöðvastæltur sigurvegari

Vin­sælasta lag Vafasöm síð­mótun er senni­lega lagið „Sig­mundur“ en það fékk nokkra spilun á X-inu. Hér er texti fyrri hluta þess lags:

Sig­mundur er íslenskur.
Sig­mundur er lang­bestur.
Sig­mundur er griða­staður.
Bjarg­vættur
og ekk­ert blaður!
Góðir gestir!
Fram­tíð­ar­vonin!
Gleði­lega hátið!
Það er kom­inn!
Gleði­lega hátið!
Það er kom­inn!
Sig­mundur Davíð!
Hann Sig­mundur er ljós­hærður.
Sig­ur­veg­ar­inn, vöðva­stæltur!
Sig­mundur er ekki Freud.
Nei, Sig­mundur,
hann er ekki Deutch.

Ekki hættur

„Ég hef nú ekki spilað með hljóm­sveit­inni lengi. Meðlimir eru nú svo sem ekki nafn­greindir heldur,“ segir Jóhannes Þór.

Hann lítur ekki svo á að þetta sé vafasöm tón­list fyrir aðstoð­ar­mann for­sæt­is­ráð­herra. „Er pönk ekki bara góð músik? Það er ýmis­legt sem pönk­arar taka sér fyrir hendur. Ég er ekki hættur að spila pönk en ég hef ekki komið fram með Vafasöm síð­mótun í þó nokkurn tíma,“ segir Jóhannes Þór.