Innsæið er teng­ing okkar við und­ir­vit­und­ina, sem tekur við miklu meiri upp­lýs­ingum en okkar vak­andi hugur,“ segir Hrund Gunn­steins­dóttir, annar tveggja leik­stjóra heim­ild­ar­mynd­ar­innar InnSæi. „Þetta þýðir að okkar ein­beitti, vak­andi hugur er hæg­ari og nemur aðeins brota­brot af því sem við erum að nema með allri með­vit­und­inni. Ákvarð­anir sem við tökum eru að stærstum hluta byggðar á inn­sæi. Þess vegna er svo mik­il­vægt að læra að þekkja það.“ 

Hægt er að æfa sig í því að finna inn­sæið, hlusta á það og taka til­lit til þess í dag­legu amstri. InnSæi fjallar öðrum þræði um reynslu Hrundar en hún er sögu­maður mynd­ar­innar og hand­rits­höf­undur. Sjálf keyrði hún sig út á yngri árum og fann, þegar hún var að byggja sig upp aftur, leið­ina að inn­sæi sínu. Hér á eftir fara ráð hennar fimm. 

1.
Athygli okkar er lyk­ill­inn að inn­sæ­inu. Veittu því athygli sem þú veitir athygli og haltu því til haga. Athyglin er auð­lind af skornum skammti í nútíma­sam­fé­lagi sem ein­kenn­ist af hraða og áreiti. Athygli okkar er á víð og dreif og við erum stöðugt að taka eftir, bregð­ast við, taka inn alls konar upp­lýs­ingar, t.d. gegnum fjöl­miðla, skemmti­efni, sam­ræður og inter­netið. Við veitum mörgu athygli í dag­legu lífi – en erum við með­vituð um hvað það er sem við erum að taka eftir? Með öllum lík­am­anum? Heyrum við í inn­sæ­inu í öllum lát­unum?