Leiðarahöfundur Morgunblaðsins kvartar undan því að ekki sé rætt um „ástæður flóttamannasprengjunnar“ á Íslandi. „Eingöngu kjánaleg yfirboð og samkeppni um það hver sé snjallastur við að finna greiðustu leiðina til að sökkva Íslendingum á kaf í afleiðingar upplausnarinnar,“ segir í leiðara blaðsins í dag. Þetta er í samræmi við fyrri skrif blaðsins um málefni flóttamanna, en þann 19. ágúst síðastliðinn hvatti leiðarahöfundur stjórnvöld til að grípa til ráðstafana í því skyni að takmarka „straum flóttamanna og hælisleitenda“ til Íslands. Undanfarna daga hafa hundruð flóttamanna drukknað á leið sinni yfir Miðjarðarhaf.
Ritstjórar Morgunblaðsins eru þeir Davíð Oddsson, fyrrverandi forsætisráðherra og formaður Sjálfstæðisflokksins til margra ára, og Haraldur Johannessen, sem einnig er framkvæmdastjóri Árvakurs, útgáfufélags blaðsins.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.



















































Athugasemdir