Sanna með nýtt framboð

Sá borg­ar­full­trúi sem almenn­ingi þykir standa sig best hefur boðað nýtt fram­boð fyrir borg­ar­stjórn­ar­kosn­ingar.

Sanna Magdalena
Sanna Magda­lena Var beðin um að yfir­gefa Sós­í­alista­flokk Íslands af fram­kvæmda­stjórn flokks­ins. Mynd: Bára Huld Beck

„Ég býð því öllu félags­hyggju­fólki til fundar á nýju ári,“ segir Sanna Magda­lena Mörtu­dóttir borg­ar­full­trúi í nýju mynd­bandi. Sanna, sem hefur verið full­trúi Sós­í­alista­flokks Íslands, boðar nú nýtt félags­hyggju­fram­boð fyrir kom­andi borg­ar­stjórn­ar­kosn­ingar 16. maí. Hún ætlar þó að halda áfram að vera félagi í Sós­í­alista­flokki Íslands og bíður í von um nýja stjórn.

Framboð Sönnu heitir Vor til vinstri. Hún listar upp helstu mál á nýrri vef­síðu sinni. Þar segir hún að heim­ili fólks hafi verið mark­aðsvætt, sjálf­sögð þjón­usta við fólk of dýr og það þurfi „borg sem er ein­föld, þægi­leg og ódýr­ari fyrir okkur öll“.

Sanna vill leggja útsvar á fjár­magnstekjur, en sem stendur eru þær ein­göngu skatt­lagðar með 22% fjár­magnstekju­skatti sem rennur í rík­is­sjóð. „Það gengur ekki að þau tekju­hæstu og rík­ustu greiði nán­ast ekk­ert til nær­sam­fé­lags­ins. Þetta grefur undan getu borg­ar­innar til að veita öfl­uga þjón­ustu og bæta lífs­gæði,“ segir Sanna.

Ný könnun Maskínu sýndi að af öllum borg­ar­full­trúum þótti fólki Sanna standa sig best. Þrátt fyrir það hefur orðið rof milli hennar og flokks hennar, Sós­í­alista­flokks Íslands. Eftir að Sanna varp­aði vafa á hvort hún myndi bjóða sig fram fyrir annað fram­boð sendi fram­kvæmda­stjórn flokks­ins frá sér yfir­lýs­ingu um að hún ætti að yfir­gefa hann.

„Ég starfa fyrir gras­rót­ina og fólkið í borg­inni,“ segir Sanna og situr sem fast­ast í flokknum. „Þess vegna ætla ég ekki að segja mig úr flokknum, þrátt fyrir þrýst­ing frá nýrri stjórn. Ég trúi því að á næsta aðal­fundi taki fólk við stjórn sem hefur skýra sýn, heið­ar­leika og stuðn­ing meiri­hluta félaga.“ 

„Getum við lagt flokk­ana aðeins til hliðar?“ spyr Sanna í fram­boðs­mynd­band­inu. 

„Ný stjórn hefur skapað óvissu og tog­streitu meðal félaga, bæði innan sem utan flokks. Fjöldi fólks hefur áhyggjur af því hvert flokk­ur­inn stefnir. Ég skil þær áhyggjur mjög vel. En ég er sann­færð um að þessi tíma­bundna óvissa verði stuttur kafli í sögu flokks­ins,“ segir Sanna á nýrri fram­boðs­síðu sinni, Vor til vinstri.

Því virð­ist ekki verða af þeirri hug­mynd að Sanna sam­ein­ist með Vinstri grænum og Pírötum um vinstra fram­boð í borg­inni.

Kjósa
20
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

2
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár