Um miðnætti í gær, eftir að kjörstöðum í Bretlandi hafði verið lokað, varð 250 prósenta aukningi í leitum á Google með spurningunni „Hvað gerist ef við yfirgefum ESB?“. Vinsælustu spurningarnar um þjóðaratkvæðagreiðsluna, þar sem Bretar kusu að yfirgefa Evrópusambandið, voru um það hvernig fólk færi að því að kjósa, og svo einfaldlega hvað er Brexit? Brexit er orðið sem notað er yfir útgöngu Bretlands úr ESB. Washington Post greinir meðal annars frá þessu.
Eins og sjá má hér að neðan voru vinsælustu spurningarnar um Evrópusambandið eftir að kjörstöðum lokaði hins vegar hvaða þýðingu það hafi að yfirgefa Evrópusambandið og svo einfaldlega „Hvað er ESB?“. Þar á eftir kom spurning um hvaða lönd séu í ESB.
Þá hefur einnig orðið 100% aukning á leitum um það að öðlast írskt vegabréf eftir að úrslitin urðu ljós, og í London varð 680% aukning í leitum að möguleikunum á því að flytja til Gíbraltar. Í Birmingham, næstfjölmennustu borg Bretlands, var vinsælasta spurningin „What is the EU referendum?“ eða „Hvað er þjóðaratkvæðagreiðsla um ESB?“ eftir að kjörstöðum var lokað.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.



















































Athugasemdir