Hættir eftir „stöðugt áreiti og ofsóknir“

Helga Björg Ragn­ars­dóttir, skrif­stofu­stjóri skrif­stofu borg­ar­stjóra og borg­ar­rit­ara, hefur óskað eftir til­færslu í starfi vegna árása Vigdísar Hauks­dóttur borg­ar­full­trúa í sinn garð. Helga Björg seg­ist meðal ann­ars hafa orðið fyrir hót­unum um ofbeldi.

Hættir sem skrifstofustjóri
Hættir sem skrif­stofu­stjóri Helga Björg færir sig til innan borg­ar­kerf­is­ins og lýsir hót­unum um ofbeldi af hálfu borg­ar­full­trúa.

Helga Björg Ragn­ars­dóttir, skrif­stofu­stjóri skrif­stofu borg­ar­stjóra og borg­ar­rit­ara, hefur farið fram á til­færslu í starfi hjá Reykja­vík­ur­borg sem fall­ist hefur verið á. Helga Björg hefur ítrekað á síðustur þremur árum kvartað undan árásum Vigdísar Hauks­dóttur, borg­ar­full­trúa Mið­flokks­ins, í sinn garð en segir að ekki hafi feng­ist nið­ur­staða í þau mál. Segir Helga Björg að meðal ann­ars hafi borg­ar­full­trúi haft uppi hót­anir um lík­ams­meið­ingar á lok­uðum fundum og að borg­ar­kerf­inu hafi mis­tek­ist að tryggja öryggi starfs­fólks.

Mikil tog­streita hefur ríkt milli Helgu Bjargar og Vigdísar síð­ast­liðin þrjú ár, allt frá því að Hér­aðs­dómur Reykja­víkur felldi í júlí árið 2017 úr gildi áminn­ingu sem Helga Björg veitti und­ir­manni sínum. Í ágúst 2018 kvart­aði Helga Björg þannig fomelgar, í bréfi til for­sætis­nefndar borg­ar­innar, undan því að borg­ar­full­trúar hefðu farið fram með rang­færslur í umræðum á sam­fé­lags­miðlum um dóm­inn, og má ætla að þar hafi hún verið að vísa til Vigdísar. Í ágúst á síð­asta ári greindi Helga Björg frá því á Facebook-síðu sinni að hún hefði setið undir ítrek­uðum árásum af hálfu Vigdísar síðan þá, sem hefðu gróf­lega vegið að æru hennar og starfs­heiðri.

Forsagan löng

Í febr­úar 2019 skrif­aði Stefán Eiríks­son, þáver­andi borg­ar­rit­ari, bréf á Facebook-síðu Reykja­vík­ur­borgar þar sem hann gagn­rýnir fram­göngu fáeinna borg­ar­full­trúa mán­uð­ina á undan og sagði þá hafa „ítrekað vænt starfs­fólk Reykja­vík­ur­borgar um óheið­ar­leika og vegið með ýmsum öðrum hætti að starfs­heiðri þeirra“. Þó Stefán hafi ekki nafn­greint borg­ar­full­trú­ana sem um ræður dylst engum að hann var meðal ann­ars að fjalla um Vigdísi.

Vigdís sjálf hefur á und­an­förnum árum brugð­ist við mál­inu með ýmsum hætti á opin­berum vett­vangi og meðal ann­ars sendi hún Vinnu­eft­ir­lit­inu kvörtun í febr­úar á síð­asta ári vegna þess sem hún sagði að væri ein­elti og áreiti í sinn garð af hálfu Helgu Bjargar.

„Sömu­leiðis hefur því mis­tek­ist að tryggja með full­nægj­andi hætti öryggi starfs­fólks gagn­vart ofbeld­is­fullri fram­komu borg­ar­full­trúa jafn­vel með hót­unum um lík­ams­meið­ingar á lok­uðum fundum“

Í færslu á Facebook-síðu sinni í dag greinir Helga Björg frá því að hún hafi óskað eftir til­færslu í starfi og muni taka að sér störf í deild borg­ar­innar sem sinnir jafn­launa­málum. Þar með hverfi hún úr starfs­um­hverfi sem þar sem hún hafi sætt „stöð­ugu áreiti og ofsóknum af hálfu borg­ar­full­trúa“ og er þar að vísa til Vigdísar.

Helga Björg lýsir því einnig að hún hafi óskað eftir skoðun á því hvort fram­ferði Vigdísar hafi brotið í bága við siða­reglur kjör­inna full­trúa og einnig hvort að hegðun hennar félli undir skil­grein­ingu á ein­elti. „Þar sem borg­ar­full­trú­inn kom sér undan þátt­töku í rann­sóknum á fram­komu sinni hefur ekki feng­ist nið­ur­staða í málin. Úrræða­leysi kerf­is­ins í við­brögðum við erindum mínum olli mér miklum von­brigðum.“

Þá lýsir Helga Björg því einnig að hún hafi mátt sæta hót­unum um ofbeldi. „Sömu­leiðis hefur því mis­tek­ist að tryggja með full­nægj­andi hætti öryggi starfs­fólks gagn­vart ofbeld­is­fullri fram­komu borg­ar­full­trúa jafn­vel með hót­unum um lík­ams­meið­ingar á lok­uðum fundum. Það vekur upp áleitnar spurn­ingar um getu sveit­ar­fé­laga til að tryggja öruggt starfs­um­hverfi, t.a.m. í sam­ræmi við reglu­gerð 1009/2015 um aðgerðir gegn ein­elti, kyn­ferð­is­legri áreitni, kyn­bund­inni áreitni og ofbeldi á vinnu­stöðum.“

 

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

3
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár